فرمان الہی
نماز کے اوقات
پاکستانی شوبز انڈسٹری کی معروف اداکارہ و مصنفہ امر خان کا دیوالی لُک صارفین کو ایک آنکھ نہ بھایا۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکارہ نے دیوالی پارٹی کی تصاویر شیئر کی ہیں، جو صارفین کی توجہ کا مرکز بنی ہوئی ہیں۔
حال ہی میں ہندو مذہبی تہوار دیوالی پاکستان میں بھی ہندوں برادری نے جوش و خروش کے ساتھ منائی۔ انڈسٹری میں موجود ہندو شخصیات نے اس موقع پر تقریب کا اہتمام کیا جس میں انڈسٹری کے فنکاروں کی بڑی تعداد میں شرکت کی۔
تاہم اس تقریب میں شرکت کرنے والی اداکارہ امر خان سمیت دیگر فنکاروں نے ہندو مذہب کی پیروی کرتے ہوئے ماتھے پر بندی لگائی، اداکاراؤں نے ساڑھی زیب تن کی اور اپنے ساتھی ہندو فنکاروں کے ساتھ اظہار محبت اور یکجہتی کیا۔
امر خان کی جانب سے شیئر کی گئی تصاویر نے صارفین کی توجہ حاصل کی تو بولڈ ڈریسنگ کی وجہ سے تنقید کی زد میں آگئیں۔
اداکارہ نے گہرے سُرخ رنگ کی ساڑھی غیر مناسب بیک لیس بلاؤز کے ہمراہ زیب تن کی تھی جس پر سوشل میڈیا صارفین نے انہیں آڑے ہاتھوں لے لیا اور کہا کہ ہندو ساتھیوں سے اظہار محبت کے لیے ہندوؤں کا تہوار منانا غلط ہے تاہم غیر اخلاقی اور بولڈ لباس پہننے سے گریز کرنا چاہیے۔
