• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ربیع سیزن کیلئے گندم کی پیداوار کا ہدف 29.68 ملین ٹن مقرر

آج کا اخبار
اہم خبریں
25 اکتوبر ، 2025
اسلام آباد ( اسرار خان ) پاکستان نے ربیع 2025-26 کے سیزن کے لیے گندم کی پیداوار کا ایک بلند ہدف 29.68 ملین ٹن مقرر کیا ہے، جبکہ فیڈرل کمیٹی آن ایگریکلچر (ایف سی اے) نے بتایا کہ خریف سیزن 2024-25 کے دوران گنے اور چاول کی پیداوار میں معمولی اضافہ ہوا، لیکن یہ کاشت کے رقبے میں ہونے والی وسعت کے مقابلے میں کم رہا۔وفاقی وزیر برائے قومی غذائی تحفظ و تحقیق رانا تنویر حسین کی زیر صدارت ایف سی اے نے خریف سیزن 2024-25 کی فصلوں کی کارکردگی کا جائزہ لیا اور ربیع 2025-26 کے لیے پیداواری اہداف کو حتمی شکل دی۔ یہ کمیٹی، جو سال میں دو بار اجلاس کرتی ہے، میں صوبائی زرعی محکموں، انڈس رور سسٹم اتھارٹی (ایرسا)، اور پاکستان میٹرولوجیکل ڈیپارٹمنٹ کے نمائندے شامل ہوتے ہیں۔سرکاری تخمینوں کے مطابق، گنے کی پیداوار 1.146 ملین ہیکٹر سے 84.7 ملین ٹن تک پہنچی، جو پچھلے اہداف کے مقابلے میں پیداوار میں 5.9 فیصد اور رقبے میں 5.5 فیصد اضافہ ظاہر کرتی ہے۔
اہم خبریں سے مزید