• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

متعصب افسران ہمارے بچوں کے رزلٹ خراب کررہے ہیں، آفاق احمد

آج کا اخبار
اہم خبریں
27 اکتوبر ، 2025
کراچی (اسٹاف رپورٹر) مہاجر قومی موومنٹ (پاکستان) کے چئیرمین آفاق احمد نے کورنگی میں سندھ اربن گریجویٹ فورم کے کنونشن سے خطاب کرتے ہوئے کہا کہ سندھ کے متعصب افسران ہمارے بچوں کے رزلٹ خراب کررہے ہیں تاکہ ہمارے بچوں کے لئے میڈیکل اور انجینئرنگ کالجوں کے دروازے بند کئے جاسکیں.میری کال پر مہاجر قوم کے مرد و عورت بوڑھے بچے مہاجر پرچم لے کر باہر نکلنے کی تیاری کریں تاکہ جو گاڑیاں بھر بھر کے علیحدگی پسندوں کو کراچی لا رہے ہیں انہیں بتا سکیں کہ یہ شہر مہاجروں کا ہےـ۔ آفاق احمد نے کہا کہ آج مہاجروں کو برداشت کے درس دیئے جاتے ہیں اور یہ وہ لوگ دیتے ہیں جو اپنا سودا کرچکے، مجھے یہ کہنے میں کوئی عار نہیں کہ اگر تم نے سنگ مرمر کا محل بنا بھی لیا اور اسکے بدلے میں اپنی قوم کو غلامی میں دھکیل دیا تو یہ قوم کے ساتھ غداری ہے۔پیپلز پارٹی کی حکومت اندرون سندھ کے چوروں اور ڈاکوؤں کو بینظیر انکم سپورٹ کے ذریعے مال دے رہی ہے. کراچی میں کچے کے ڈاکوؤں کا ریڈ کارپیٹ استقبال کیا گیا جو پورے شہر کی توہین ہے. آفاق احمد نے کہا کہ میں متحدہ بنانے کے حق میں کبھی نہیں تھا، میں نے الطاف سے کہا تھا کہ متحدہ بنا کر تم اپنے وجود سے انکار کررہے ہو. اسکے بعد تم اپنا حق نہیں مانگ سکو گے،میرے یہ خدشات درست ثابت ہوئے اور مہاجر قوم کو آج تک اسکا حق نہیں دلایا جاسکا۔کورنگی انڈسٹریل ایریا میں مہاجر ماؤں بہنوں اور نوجوانوں کے ساتھ جئے سندھ کے علیحدگی پسند جو کررہے اس کو روکنے کیلئے نوجوان منظم و متحد ہوجائیں ،مہاجر قومی موومنٹ انکے ساتھ کھڑی ہوگی. آفاق احمد نے کہا کہ جو لوگ کلہاڑی لے کر بدتمیزیاں کررہے انہیں روکنے کے لئے میرے مہاجر نوجوانوں کے چہرے کا جاہ و جلال ہی کافی ہے. یہ شہر ہمارا ہے اسکے ہم مالک ہیں. اگر کوئی اس غلط فہمی کا شکار ہے کہ وہ شہر پر قبضہ کرسکتا ہے تو وہ اپنی غلط فہمی دور کرلے، اس شہر میں وہ ہوگا جو میں چاہوں گا جو میری قوم کے بچے چاہیں گے. انہوں نے مزید کہا کہ محصورین مشرقی پاکستان میری قوم کا حصہ میرے رشتہ دار ہیں. انہیں واپس لانے اور بسانے کے لئے ہم سب کچھ کریں گے بس حکومت انہیں واپس لانے کا انتظام کرے۔
اہم خبریں سے مزید