• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران نے میرا نام دیا تو لوگ شور مچانے لگے، ڈلیور کرکے دکھاؤنگا، وزیراعلیٰ کے پی

آج کا اخبار
اہم خبریں
27 اکتوبر ، 2025
کرک (این این آئی)وزیر اعلیٰ خیبر پختونخوا سہیل آفریدی نے کہا ہے کہ جس دن بانی پی ٹی آئی عمران خان نے میرا نام وزارتِ اعلیٰ کے لیے تجویز کیا‘اس دن سے جو لوگ نوجوانوں کو موقع نہیں دیتے انہوں نے شور شرابا شروع کر دیا اور کہا کہ نوجوان ہے، ڈیلیور نہیں کرے گا‘آپ لوگوں نے برسوں میں کیا کیا ہے؟ ڈیلیور کرنے کیلئے نیت اور کوشش ہونی چاہئے‘ ہم کر کے دکھائیں گے‘ مجھے کوئی ڈرا نہیں سکتا‘انسدادِ دہشت گردی کی صلاحیت کو بہتر کریں گے‘امن کے ساتھ ساتھ گڈ گورننس اورترقی بھی ضروری ہے، ہم ضم اضلاع پربھی سرمایہ کاری کریں گے۔اتوار کو جلسے سے خطاب میں سہیل آفریدی کاکہناتھاکہ وفاقی وزراء نے ان پر پریس کانفرنس میں غلط الزامات لگائے لیکن انہوں نے اخلاقی طریقے سے جواب دیا۔وزیرِ اعلیٰ خیبر پختونخوا نے کہا کہ میں اڈیالہ جیل گیا، اسی وقت وزیرِ اعظم کی کال آئی، شہباز شریف نے مجھے وزیرِ اعلیٰ منتخب ہونے پر مبارک باد دی، میں نے ان سے کہا کہ میری اپنے قائد سے ملاقات کے لیے انتظامات کریں۔
اہم خبریں سے مزید