فرمان الہی
نماز کے اوقات
اسلام آباد (خالد مصطفیٰ)روسی تیل کمپنیوں پر امریکی پابندیاں، یکم نومبر سے پٹرولیم مصنوعات مہنگی ہونے کا امکان ،پیٹرول 1 روپے 48 پیسے اور مٹی کے تیل میں 2 روپے 34 پیسے فی لیٹر اضافے کی پیش گوئی۔اگر موجودہ رجحان برقرار رہا تو یکم نومبر سے نئی صارف قیمتیں پیٹرول کے لیے 264 روپے 50 پیسے، ڈیزل کے لیے 276 روپے 80 پیسے، مٹی کے تیل کے لیے 184 روپے 05 پیسے، اور لائٹ ڈیزل کے لیے 163 روپے 25 پیسے فی لیٹر تک پہنچ سکتی ہیں۔ حتمی قیمتوں کا اعلان 31 اکتوبر کی شام کیا جائے گا جب پندرہ روزہ درآمدی اور زرمبادلہ کے اعداد و شمار کا جائزہ مکمل ہوگا۔ یہ اضافہ بین الاقوامی منڈی میں تیل کی قیمتوں میں اتار چڑھاؤ اور روس کی بڑی تیل کمپنیوں پر امریکا کی تازہ پابندیوں کے اثرات کے باعث متوقع ہے۔
