فرمان الہی
نماز کے اوقات
اسلام آ باد ( رانا غلا م قادر) رینٹل سیلنگ میں اضافہ کے منتظر لاکھوں وفاقی ملازمین کیلئے اچھی خبر ہے کہ وزارت ہاؤسنگ و تعمیرات نےوفاقی ملازمین کی ماہانہ رینٹل سیلنگ میں اضافہ کی سمری منظوری کیلئے وفاقی کا بینہ کو ارسال کردی ہے۔ اس سے قبل فنانس ڈویژن نے تمام کیٹگری کے ملازمین کیلئے ماہانہ رینٹل سیلنگ میں 85فی صد یکساں اضافہ کرنے کی منظوری دی تھی ۔ فنا نس ڈویژن نے وزارت ہا ؤسنگ و تعمیرات کو تحر یری طور پر اپنی رائے سے آ گاہ کردیا تھا۔ یاد رہے کہ وزارت ہا ؤسنگ و تعمیرات نے گریڈ ایک سے دس تک کے ملازمین کی رینٹل سیلنگ میں 100 فی صد۔سکیل گیارہ سے سولہ تک کے ملازمین کی سیلنگ میں75فی صد ۔ گریڈ سترہ سے انیس تک کے افسروں کی سلینگ میں 65فی صد اور گریڈ20 سے22تک کے افسروں کی سلینگ میں60فی صد اضافہ تجویزکیاتھا۔رینٹل سلیلنگ کا معاملہ کئی ماہ سے لٹکا ہوا ہے۔ اس کیلئے تین مرتبہ مارکیٹ سروے کرائے جاچکے ہیں۔پہلا سروے اسٹیٹ آفس نے کیا تھا۔دوسرا پی ڈبلیو ڈی نے کیا ۔ تیسرا سروے پاکستان بیورو برائے شماریات نے کیاتھا۔وزارت ہا ؤسنگ نے اب فنا نس ڈویژن کو جو سمری ارسال کی تھی وہ کستان بیورو برائے شماریات کی رپورٹ کی روشنی میں تیار کی گئی تھی۔ کابینہ فنانس ڈویژن اور وزارت ہاؤسنگ دونوں کی رائے کا جائزہ لے کر حتمی فیصلہ کرے گی۔ قومی امکان یہ ہے کہ رینٹل سیلنگ میں85فی صد اضافہ کیا جا ئے گا۔اسلام آباد۔ لاہور۔ کراچی۔ پشاور اور کوئٹہ میں مکانوں کے کرائے بڑھنے کی وجہ سے سر کاری ملازمین کو مالی مشکلات کا سامنا ہے۔پالیسی کے تحت رینتل سیلنگ میں ہر تین سال کے بعد اضافہ کیا جا تا ہے۔ رینٹل سیلنگ میں آخری اضافہ18ستمبر 2021 کو ہو اتھا۔رینٹل سیلنگ میں اضافہ میں تاخیر سے ملازمین میں تشویش پائی جاتی ہے۔وزارت ہاؤسنگ کے ڈرائع نے بتایا ہے کہ وزیراعظم شہباز شریف نے رینٹل سیلنگ میں اضافہ کی سمری سر کولیشن کے ذریعے منظور کی جائے لہذا اگلے 24 گھنٹوں میں اس کی منظوری کا امکان ہے۔
