• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اضافی بجلی، حکومت کا نیٹ میٹرنگ کی قیمت میں 11.30 روپے فی یونٹ تک کمی پرغور

آج کا اخبار
اہم خبریں
31 اکتوبر ، 2025
اسلام آباد(خالدمصطفیٰ) سردیوں میں دن میں گرڈ کی بجلی کی طلب میں کمی ااور دن کی دھوپ سے اضافی بجلی پیداہونےکے خطرے کے پیش نظر حکومت نیٹ میٹرنگ کی قیمت میں کمی پرغور کر رہی ہے۔ ذرائع کے مطابق نیٹ میٹرنگ کی قیمت 22 روپے کو کم کرکے 11.30 روپے فی یونٹ کرنے پرغور ہورہا ہے اور وزیراعظم نے اس سلسلے میں متعلقہ حکا م کو قیمتوں پر نظرثانی کی ہدایت کر دی ہے۔ نیٹ میٹرنگ کی اس اسکیم نے بھاری مالی بوجھ پیدا کرنا شروع کردیا تھا جو کہ گرڈسے وابستہ صارفین سے دوروپے فی یونٹ وصولی تک تھا۔ سرکاری ڈیٹا کے مطابق چھتوں پر لگےہوئے سولر سسٹم کی تیزرفتارتوسیع سے گرڈ کے ذریعے بیچی جانے والی بجلی کی فروخت میں 3.2ارب یونٹ کمی آئی۔اس سے ڈسٹری بیوشن کمپنیوں کےمنافع میں 101 ارب روپے کمی آئی جس سے ٹیرف کو 0.9کلوواٹ آورتک بڑھانا پڑا۔ پاورڈویژن کے تخمینے میں متنبہ کیا یا ہے کہ مالی سال 2034 میں یہ اعدادوشمار بڑھ کر18.8ارب یونٹ تک بڑئ سکتے ہیں جس کا مطلب 545 ارب روپے اثر ہے اورصارفین پر اس کا اثر 5سے 6روپے فی یونٹ تک ہوسکتا ہے۔ عہدیداروں کا کہنا ہے کہ یہ معاملہ ایک سنجیدہ اشو بن گیا اور وزیراعظم کی براہ راست مداخلت اس معاملے میں ہوئی ہے۔ 22اکتوبر کوہونے والے اجلاس میں وزیراعظم نے نیپرا اورپاورڈویژن کو ہدایت کی کہ وہ بائی بیک ٹیرف کا جائزہ لیں اور اس کی تصدیق کریں۔ یہ نظام سولرصارفین کےلیے بیٹری اسٹوریج کے طور پر استعمال ہورہا ہے۔
اہم خبریں سے مزید