• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چار وزراء سے پرو چانسلر کا عہدہ واپس، اسماعیل راہو کے حوالے

آج کا اخبار
اہم خبریں
05 نومبر ، 2025
کراچی ( سید محمد عسکری) سندھ میں وزیر تعلیم سردار علی شاہ، وزیر آبپاشی جام خان شورو، صوبائی وزیرداخلہ،و قانون ضیاالحسن النجار اور وزیر صحت عذرا فضل پیچوہو سے پرو چانسلر کا عہدہ واپس لے کر صوبائی وزیر جامعات و بورڈز اسماعیل راہو کو دے دیا گیا جس کا منگل کو باقاعدہ نوٹیفکیشن جاری کردیا گیا نوٹیفکیشن کے مطابق وہ تمام سرکاری جامعات کے پروچانسلر ہوں گے۔ اس سے قبل رواں برس 3 اگست کو وزیر اعلی سندھ نے اپنی کابینہ کے تین وزراء کو صوبے کی جامعات کا پروچانسلر مقرر کیا تھا، جس میں وزیر تعلیم سردار شاہ کو جنرل جامعات کا پرو چانسلر، وزیر آبپاشی جام خان شورو کوانجنیئرنگ جامعات کا پروچانسلر اور صوبائ وزیرداخلہ، قانون اور پارلیمانی امور ضیاالحسن لنجار کو لاء یونیورسٹی کا پروچانسلر مقرر کیا گیا تھا جبکہ عذرا فضل پیچوہو پہلے ہی میڈیکل جامعات کی پروچانسلر تھیں۔ تاہم ایکٹ کے مطابق میٹروپولٹن یونیورسٹی کراچی کے پروچانسلر میئر کراچی ہی رہیں گے۔
اہم خبریں سے مزید