• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محکمہ تعلقات عامہ کو جدید تقاضوں سے ہم آہنگ کیا جائے گا، نور کھیتران

میرا شہر
کوئٹہ
11 نومبر ، 2025
کوئٹہ(خ ن)ڈائریکٹر جنرل پبلک ریلیشنز بلوچستان محمد نور کھیتران نے کہا ہے کہ صوبے بھر میں محکمہ تعلقات عامہ کو جدید تقاضوں سے ہم آہنگ کرنے اور اس کی کارکردگی کو مزید بہتر کرنے کے لیے صوبائی حکومت ٹھوس بنیادوں پر اقدامات کر رہی ہے بلوچستان کے تمام ڈویژنل دفاتر میں کیمرے، ڈرونز، لیپ ٹاپس اور دیگر جدید دفتری آلات کی فراہمی یقینی بنائی جا رہی ہے تاکہ سرکاری سرگرمیوں اور ترقیاتی منصوبوں کی مؤثر انداز میں کوریج اور پروجیکشن کی جا سکے ان خیالات کا اظہار انہوں نے ڈویژنل انفارمیشن آفیسر قلات شبیر احمد کو کیمرہ، لیپ ٹاپ، ڈرون اور دیگر ضروری سامان حوالے کرنے کے موقع پر بات چیت کرتے ہوئے کیا اس موقع پر محکمہ اطلاعات کے ڈائریکٹر تنویر احمداور دیگر افسران بھی موجود تھےمحمد نور کھیتران نے کہا کہ محکمہ تعلقات عامہ حکومت اور عوام کے درمیان ایک مضبوط رابطہ ہے جس کا بنیادی مقصد عوام تک حکومت کے اقدامات، ترقیاتی منصوبوں اور عوامی فلاحی پالیسیوں کی درست اور بروقت اطلاع پہنچانا ہے انہوں نے کہا کہ جدید ٹیکنالوجی کے استعمال سے نہ صرف محکمے کی کارکردگی بہتر ہوگی بلکہ صوبے کے مثبت تشخص کو اجاگر کرنے میں بھی مدد ملے گی۔
کوئٹہ سے مزید