• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بنگلہ دیش کے مسلمانوں کا عقیدہ ختمِ نبوت پر پختہ ایمان قابل تعریف، فضل الرحمٰن

آج کا اخبار
اہم خبریں
18 نومبر ، 2025
سلہٹ ( آن لائن ) جمعیت علمائے اسلام (جے یو آئی ) کے امیر مولانا فضل الرحمان نے سلہٹ میں ایک اہم خطاب کرتے ہوئے فلسطین کے مسئلے پر امت مسلمہ کے اتحاد کی اہمیت پر زور دیا اور فلسطینیوں کے ساتھ یکجہتی کا اعادہ کیا۔ انہوں نے بنگلہ دیش کے مسلمانوں کی عقیدہ ختمِ نبوت پر پختہ ایمان اور یکجہتی کی تعریف کی اور اسے تاریخ کے اوراق میں سنہری حروف سے لکھے جانے کے قابل قرار دیا۔مولانا فضل الرحمان نے کہا کہ بنگلہ دیش کے مسلمانوں کا عقیدہ ختمِ نبوت پر مضبوط ایمان اور ان کی یکجہتی، ان شاء اللہ تاریخ میں سنہری حروف سے لکھا جائے گا۔ انہوں نے امت مسلمہ کو ایک جسم کی مانند قرار دیتے ہوئے کہا کہ اسلام نے امت مسلمہ کو جسد واحد قرار دیا ہے، جس کا مطلب یہ ہے کہ ہم سب کے مسائل اور دکھ درد ایک جیسے ہیں۔مولانا نے سلہٹ میں ہونے والی فلسطین کانفرنس کو فلسطینی بھائیوں کے ساتھ یکجہتی کے ایک اہم موقع کے طور پر پیش کیا۔ انہوں نے کہا کہ آج کا اجلاس فلسطین کے مسئلے پر امت مسلمہ کے ایک ہونے کی علامت ہے۔ مولانا نے کہا کہ مسئلہ فلسطین پر پاکستان اور بنگلہ دیش کے مسلمانوں کے جذبات میں کوئی فرق نہیں، دونوں ممالک کے عوام اس مسئلے پر یکجا ہیں۔انہوں نے مزید کہا کہ اسلامی اخوت آج بھی زندہ ہے، اور یہی اخوت ہمیں فلسطینیوں کے حقوق کے لیے آواز اٹھانے پر مجبور کرتی ہے۔ مولانا کا کہنا تھا کہ امت مسلمہ میں اتحاد و اتفاق کی ضرورت ہے تاکہ فلسطین میں مظلوم مسلمانوں کی مدد کی جا سکے۔مولانا فضل الرحمان نے اسرائیل کے ناجائز قبضے کی شدید مذمت کرتے ہوئے کہا کہ صہیونیوں نے فلسطین کی سرزمین پر ناجائز قبضہ کر رکھا ہے، اور یہی قبضہ کبھی برطانیہ نے برصغیر پر کیا تھا۔
اہم خبریں سے مزید