فرمان الہی
نماز کے اوقات
بھارتی فلم انڈسٹری کی مقبول اداکارہ مادھوری ڈکشٹ نے سیاست میں شمولیت کی تمام افواہیں ختم کر دیں۔
58 سالہ اداکارہ نے حال ہی میں دیے گئے ایک انٹرویو میں واضح کر دیا ہے کہ میں نے کبھی سیاست میں آنے کا ارادہ نہیں کیا اور نہ ہی خود کو اس میدان کے لیے موزوں سمجھتی ہوں۔
انٹرویو میں بات کرتے ہوئے مادھوری نے کہا کہ مجھے نہیں لگتا کہ میں سیاست کے لیے بنی ہوں، میں ایک آرٹسٹ ہوں اور اپنی سوچ بانٹ کر یا اپنی فنکاری کے ذریعے لوگوں پر اثر ڈالنا ہی میری شناخت ہے۔
انہوں نے مزید کہا کہ سیاست میں آنا کبھی میری خواہشات کا حصہ نہیں رہا اور نہ ہی میں خود کو اُس دنیا میں فٹ دیکھتی ہوں۔
مادھوری ڈکشٹ کے سیاست میں آنے کی افواہیں اُس وقت شدت اختیار کر گئی تھیں جب گزشتہ برس متعدد رپورٹس میں دعویٰ کیا گیا تھا کہ وہ 2024ء کے لوک سبھا انتخابات میں حصہ لے سکتی ہیں، تاہم اپنے تازہ بیان کے بعد مادھوری نے اس باب کو ہمیشہ کے لیے بند کر دیا ہے۔
اداکارہ اس وقت اپنے نئے پراجیکٹ مسز دیش پانڈے کی ریلیز کی تیاریاں کر رہی ہیں، جو ناگیش کوکنور کی ہدایت کاری میں بننے والی ایک سنسنی خیز ڈراما سیریز ہے۔ یہ سیریز فرانسیسی تھرلر La Mante سے ماخوذ ہے اور مادھوری اس میں ایک پیچیدہ اور گہرے کردار میں نظر آئیں گی۔
