فرمان الہی
نماز کے اوقات
پاکستان کی معروف ٹیلی ویژن اداکارہ سلمیٰ ظفر نے بچوں کے لیے اپنی خواہشات قربان کرنے پر کھل کر اظہارِ خیال کیا ہے۔
سلمیٰ ظفر نے 2016 میں میڈیا انڈسٹری میں قدم رکھا تھا، وہ متعدد مشہور ڈراموں میں اپنی اداکاری کے جوہر دکھا چکی ہیں، حال ہی میں سلمیٰ ظفر نجی ٹی کے مارننگ شو کی مہمان بنیں، جہاں گفتگو کے دوران انہوں نے اپنے بچوں کے لیے زندگی میں کی گئی قربانیوں کا کھل کر ذکر کیا۔
انہوں نے کہا کہ ہم ایک بڑی غلطی تب کرتے ہیں جب ہم اپنی پروا نہیں کرتے، ظاہر ہے کہ اگر ہم خود سے محبت نہیں کریں گے تو کوئی اور کیسے ہماری قدر کرے گا؟ یہ میں نے اب جا کر سیکھا ہے۔
ان کا کہنا تھا کہ میری زندگی بہت مصروف اور جدوجہد سے بھری رہی ہے، ایک بار تین تلوار پر ناک چھدوانے کے بعد میں 2 ہزار روپے کی ناک کی بالی لینا چاہتی تھی، میری دوست نے بھی کہا کہ لے لو، لیکن میں نے نہیں لی، اس بات نے میری بیٹی کو بہت تکلیف دی، وہ ہمیشہ کہتی تھی کہ میں نے کبھی اپنے لیے کیوں نہیں کچھ خریدا۔
انہوں نے مزید کہا کہ میں ہمیشہ بچوں کے لیے پیسے بچاتی تھی اور اپنے لیے کچھ نہیں لیتی تھی، مجھے چیزیں صرف تحفے میں ملتی تھیں بہنوں، دوستوں اور بیٹی سے، اب جب بچے بڑے اور شادی شدہ ہیں، میری بیٹی آج بھی یہ محسوس کرتی ہے، وہ میرے لیے کپڑے لاتی رہتی ہے اور اب میری الماری بھر چکی ہے الحمدللہ۔
اداکارہ نے کہا کہ انسان کو یہ غلطی نہیں کرنی چاہیے، مائیں یہ سب اس لیے کرتی ہیں کیونکہ انہیں اپنی قربانیوں میں سکون ملتا ہے، چاہے دوسروں کی نظر میں ان کی کیا اہمیت ہو۔
