فرمان الہی
نماز کے اوقات
سینئر اداکارہ اور سابقہ میزبان فضیلہ قاضی نے دلہنوں کے بڑھتے ہوئے نخرے اور غیر ضروری پرفیکشن کے رجحان پر کہا ہے کہ وہ ایک دن کی پرفیکشن کے پیچھے زندگی خراب نہ کریں۔
فضیلہ قاضی تین دہائیوں سے شوبز انڈسٹری کا حصہ ہیں اور پی ٹی وی کے متعدد مقبول ڈراموں میں اپنی شاندار اداکاری سے ناظرین کی توجہ حاصل کر چکی ہیں۔
حال ہی میں فضیلہ قاضی نجی ٹی وی کے مارننگ شو کا حصہ بنیں جہاں انہوں نے دلہنوں کو ایک اہم پیغام دیا۔
اس موقع پر بات کرتے ہوئے انہوں نے کہا کہ آج کی دلہنیں شادی کے دن حد سے زیادہ نخرے کرتی ہیں اور پرفیکشن حاصل کرنے کی کوشش میں غیر حقیقی توقعات پال لیتی ہیں۔
انہوں نے کہا کہ میڈیا نے ایسی ہائپ بنا دی ہے کہ ہر لڑکی خود کو ہیروئن سمجھنے لگی ہے، ڈرامے اور فلمیں فینٹیسی ہوتی ہیں، زندگی اتنی پرفیکٹ نہیں ہوتی، لڑکیاں اپنی پرفیکٹ انٹری اور یہ میرا دن ہے جیسے تصورات پر ضرورت سے زیادہ فوکس کرنے لگی ہیں۔
ان کا کہنا تھا کہ ہاں یہ آپ کا دن ہے، لیکن کیا آپ نے کبھی اُس زندگی کے بارے میں سوچا ہے جو اس دن کے بعد شروع ہوگی؟ اپنے پرفیکٹ دن کے بجائے اُس رشتے کے بارے میں سوچیں جو آپ نے آگے چل کر نبھانا ہے، بےکار رسمیں اور ضدیں وہ چیزیں ہیں جو رشتے خراب کر دیتی ہیں، ان سے بچیں اور خوبصورت یادیں بنائیں۔
