فرمان الہی
نماز کے اوقات
امریکی ریاست ٹیکساس میں 15 سالہ لڑکے نے اپنی گرل فرینڈ کی والدہ اور اس کے بہن بھائیوں کو فائرنگ کر کے قتل کر دیا۔
غیر ملکی میڈیا کے مطابق امریکی ریاست ٹیکساس کے شہر اوڈیسا میں ایک نو عمر لڑکے نے مبینہ طور پر اپنی گرل فرینڈ کی والدہ اور اُس کے 2 چھوٹے بہن بھائیوں کو گولی مار کر قتل کر دیا۔
پولیس کا کہنا ہے کہ 39 سالہ جینیفر روڈریگیز اپنی 13 سالہ بیٹی اور 9 سالہ بیٹے کے ساتھ اپنے اپارٹمنٹ میں مردہ پائی گئیں، انہیں فائرنگ کر کے قتل کیا گیا ہے۔
پولیس نے مشتبہ قاتل کا نام اس کی کم عمری کی وجہ سے ظاہر نہیں کیا۔
ملزم متاثرہ خاندان کی 15 سالہ لڑکی کا سابق بوائے فرینڈ تھا، جو پہلے اسکول کے باہر لڑکی کو نشانہ بنانا چاہتا تھا لیکن بعد میں اپنا منصوبہ بدل کر اُس کے گھر چلا گیا اور فائرنگ کے بعد فرار ہو گیا تھا، جسے کچھ ہی دیر بعد گرفتار کر لیا گیا۔
پولیس نے حملے کی کوئی واضح وجہ بیان نہیں کی۔
جائے وقوع سے ایک ہینڈگن برآمد ہوئی ہے، جس کے بارے میں شبہ ہے کہ وہی قتل میں استعمال ہوئی ہے۔
اس حوالے سے پولیس کا کہنا ہے کہ انہیں معلوم ہے کہ ہتھیار کس نے خریدا تھا، تاہم یہ نہیں بتایا گیا کہ کم عمر لڑکے نے اسے کیسے حاصل کیا۔
