• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ناقص کارکردگی پرلیڈی ریڈنگ ہسپتال پشاورکے ڈائریکٹربرطرف

میرا شہر
پشاور
18 دسمبر ، 2025
پشاور (جنگ نیوز) پشاور کےسب سے بڑے سرکاری طبی مرکز لیڈی ریڈنگ ہسپتال (ایل آر ایچ) کے ڈائریکٹر کو ناقص کارکردگی پر عہدے سے ہٹا دیا گیا۔اعلامیے کے مطابق ایل آر ایچ میں سہولتوں کی کمی اور مریضوں کی شکایت سامنے آنے پر ہسپتال کے ڈائریکٹر کو عہدے سے ہٹایا گیا ہے۔پیڈز ایمرجنسی کے سربراہ کو بھی معطل کرنے کے احکامات جاری کر دیے گئے ہیں جبکہ معاملے کی تحقیقات کے لیے فیکٹ فائنڈنگ کمیٹی کی انکوائری کا فیصلہ کیا گیا ہے۔ہسپتال میں نوزائیدہ بچے کو بر وقت طبی امداد نہ ملنے کی ویڈیو وائرل ہوئی تھی، جس کا نوٹس لیتے ہوئے وزیرٍ اعلیٰ کے پی سہیل آفریدی نے ہسپتال کا دورہ کیا تھا۔اس دوران وزیرِ اعلیٰ نے اسپتال کی مجموعی کارکردگی پر عدم اطمینان کا اظہار کیا تھا، جس کے بعد انہوں نے اس ضمن میں اہم فیصلے کیے۔
پشاور سے مزید