فرمان الہی
نماز کے اوقات
نیویارک(جنگ نیوز) امریکامیں وزن کم کرنیوالی نئی گولی کی منظوری، فوڈ انڈسٹری میں بڑی تبدیلیوں کا آغاز، سستی اور آسان GLP-1 گولیاں انجکشن سے زیادہ مقبول، صارفین کی تعداد میں تیزی سے اضافہ متوقع، اسنیکس، بیکری، سافٹ ڈرنکس اور شراب پر کم خرچ، فوڈ کمپنیاں ہائی پروٹین، چھوٹے حصوں اور نئی لیبلنگ پر مجبور، برطانوی خبر رساں ادارے کی رپورٹ کے مطابق ماہرین کا کہنا ہے جنوری سے امریکا میں بھوک کم کرنے والی GLP-1 وزن گھٹانے کی گولیوں کی دستیابی فوڈ انڈسٹری کو اپنی مصنوعات میں وسیع پیمانے پر تبدیلی پر مجبور کر دے گی، کیونکہ انجیکشن کے مقابلے میں سستی اور آسان گولیوں کے استعمال سے زیادہ افراد یہ ادویات اختیار کریں گے۔ امریکی فوڈ اینڈ ڈرگ ایڈمنسٹریشن کی جانب سے نووو نورڈسک کی ویگووی گولی کی منظوری کے بعد فوڈ کمپنیوں کے شیئرز گر گئے، جبکہ اندازہ ہے کہ ایلی للی کی حریف دوا بھی اگلے سال منظور ہو جائے گی، ایسے میں تحقیق بتاتی ہے کہ GLP-1 استعمال کرنے والے صارفین نمکین اسنیکس، بیکری اشیا، سافٹ ڈرنکس اور شراب پر کم خرچ کرتے ہیں جبکہ پروٹین اور فائبر والی غذاؤں کی طرف بڑھتے ہیں۔
