• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی بیورو کریسی کیلئے اہم خبر، گریڈ 19 میں ترقی کیلئے اجلاس تیسری مرتبہ ملتوی

آج کا اخبار
اہم خبریں
03 جنوری ، 2026
اسلام آ باد ( راناغلام قادر )وفاقی بیورو کریسی کیلئےا ہم خبر ہے کہ اسٹیبلشمنٹ ڈویژن نے گریڈ 18 سےگریڈ 19 میں ترقیوں کیلئے طلب کئے گئے ڈیپارٹمنٹل سلیکشن بورڈ کا اجلاس تیسری مرتبہ ملتوی کردیا ہے۔ ری شیڈول کرنے کیلئے جاری کردہ نوٹیفکیشن کے مطابق 300سے زائد افسروں کی گریڈ 18 سے 19 میں ترقی کیلئے 6جنوری کو بلایا گیا اجلاس اب 3 فروری کو سیکریٹری اسٹیبلشمنٹ ڈویژن بیرسٹر نبیل احمد اعوان کی زیرصدارت منعقد ہوگا۔ اس اجلاس میں پاکستان ایڈمنسٹریٹو سروس، پولیس سروس آف پاکستان، آفس مینجمنٹ گروپ اور ایکس کیڈر افسران کی ترقیوں کے کیسز پر غور کیا جائے گا۔ اس سے قبل یہ اجلاس 6جنوری کو ہونا تھا۔ اس سے بھی قبل یہ اجلاس 23 دسمبر 2025 اور10دسمبر کو شیڈول کیا گیا تھاتاہم انتظامی وجوہات کے باعث اس کی تاریخ تبدیل کر دی گئی۔
اہم خبریں سے مزید