• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارتی فلم دھریندر میں پیپلز پارٹی کی ریلی اور بینظیر کی تصاویر دکھانے سے متعلق فلم رائٹر، پروڈیوسر اور اداکاروں کے خلاف مقدمہ درج کرنے کی درخواست مسترد

آج کا اخبار
اہم خبریں
03 جنوری ، 2026
کراچی (اسٹاف رپورٹر)سیشن عدالت جنوبی نے بھارتی فلم دھریندر میں پیپلز پارٹی کی ریلی اور شہید بینظیر بھٹو کی تصاویر دکھانے سے متعلق فلم رائٹر، پروڈیوسر اور اداکاروں کے خلاف مقدمہ درج کرنے کی درخواست مسترد کردی ۔عدالت نے کہا کہ فلم بھارت میں فلمائی اور ریلیز کی گئی ہے، پاکستان میں فلم کی اسکریننگ یا ترسیل کا کوئی ثبوت موجود نہیں، پاکستان یا متعلقہ تھانے کی علاقائی حدود میں کوئی قابل دست اندازی جرم ثابت نہیں ہوتا، پولیس رپورٹ کے مطابق نامزد ملزمان بھارتی شہری ہیں، ملزمان کی پاکستان میں رہائشی، کاروباری یا قانونی موجودگی نہیں ہے، یہ معاملہ ریاستی سطح کے امور سے متعلق ہے جسے سرکاری سطح پر وزارت خارجہ کے ذریعے دیکھنا چاہیئے۔
اہم خبریں سے مزید