• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیر قانونی کنکشن اور بورنگ کرنیوالوںکیخلاف سخت کارروائی کیجائے گی، رمضان اچکزئی

میرا شہر
کوئٹہ
18 جنوری ، 2026
کوئٹہ(اسٹاف رپورٹر)ڈپٹی مینجنگ ڈائریکٹر وچیف انجنیئر واسا محمد رمضان اچکزئی نےکہا ہے کہ شہر میں بلا تعطل پانی کی فراہمی یقینی بنانے کے لئے تمام وسائل بروئے کار لائے جائیں گے ،غیر قانونی کنکشن اور بورنگ کرنے والوںکیخلاف سخت کاروائی عمل میں لائی جائے گی،عوام ذمہ داری کا احساس کرتے ہوئے واسا واجبات ادا کریں جنگ سے بات چیت کرتے ہوئے انہوں نے کہا کہ کوئٹہ شہر میں پانی کی سپلائی کے مختلف امور پر غور کیا جارہا ہے،شہریوں کو بلاناغہ صاف پانی کی فراہمی اولین ترجیح ہے ،بوسیدہ پائپ لائنیوں کی مرمت جلد شروع کی جائے گی ،واساکے ریکوری سسٹم کو جدید خطوط پر استوار کرنے کے لئے اقدامات کا آغاز کردیا ہے،غیر قانونی بورنگ کرنے والوں کیخلاف سخت کاروائی عمل میں لائی جائے گی، شہر میں بلا تعطل پانی کی فراہمی یقینی بنانے کے لئے تمام وسائل بروئے کار لائے جائیں گے اس ضمن میں کسی قسم کی کوئی غفلت برداشت نہیں کی جائے گی انہوں نے کہا کہ واسا کو جدید خطوط پر استوار کرنے کے لئے ہنگامی بنیادوں پر اقدامات کئے جارہے ہیں شہر میں پانی کی فراہمی کے لئے مختلف لانگ ٹرم اور شارٹ ٹرم منصوبے زیر غور ہیں۔
کوئٹہ سے مزید