• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گزشتہ سال کس قومی کھلاڑی پر انعامات کی کیا بارش ہوئی؟، تفصیلات پارلیمنٹ میں پیش

آج کا اخبار
اہم خبریں
19 جنوری ، 2026
اسلام آباد( رانا غلام قادر ) مالی سال 25-2024 میں پاکستانی کھلاڑیوں کو حکومت کی جانب سےکتنے کیش ایوراڈز ملے ؟؟؟ تفصیلات پارلیمنٹ میں پیش کردی گئیں۔ حکومتی دستا ویز کے مطا بق حکومت کی جانب سے پا کستان کھلاڑیوں کو 20 کروڑ 64 لاکھ 50 ہزار روپے مالیت کے انعامات دئیے گئے ئگزشتہ سال کس قومی کھلاڑی پر انعامات کی کیا بارش ہوئی ؟ تفصیلات کے مطابق قومی ایتھلیٹ ارشد ندیم کو 15 کروڑ20 لاکھ روپے، کوچ سلمان اقبال بٹ کو ایک کروڑ 6 لاکھ روپے انعام ملا،ورلڈ سنوکر چیمپئن شپ جیتنے والے محمد آصف کو 25 لاکھ روپے انعام دیا گیا،ایشئن انڈر 21 سنوکر چیمپئن شپ میں کانسی کا تمغہ جیتنے والے احسن رمضان کو پانچ لاکھ روپے کا انعام ملا،سارک سنوکر چیمپئن شپ میں گولڈ میڈل حاصل کرنے پر محمد آصف کو پانچ لاکھ، محمد نسیم اختر کو کانسی کا تمغہ جیتنےپر ایک لاکھ روپے انعام ملا،ساؤتھ ایشین ریجنل ٹیبل ٹینس چیمپئن شپ جیتنےپر مختلف کھلاڑیوں کو 14 لاکھ 50 ہزار مالیت کے انعامات دئے گئے۔سپیشل اولمپکس ورلڈ ونٹر گیمز میں مختلف میڈلز حاصل کرنے والے کھلاڑیوں کو 30 لاکھ 50 ہزار روپے کے انعامات سے نوازا گیا، ایشئن جونئیر سکواش چیمپئن شپ جیتنے پر مختلف قومی کھلاڑیوں کو 17 لاکھ 50 ہزار روپے،ورلڈ انڈر 23 انفرادی سکواش چیمپئن شپ جیتنے پر مختلف کھلاڑیوں کو 75 لاکھ روپے کے انعامات دیئے گئے،ایشئن اوپن عالمی ٹائک وونڈو چیمپئن شپ میں مختلف میڈلز حاصل کرنے پر کھلاڑیوں کو 1 کروڑ 15 لاکھ روپے انعامات ملے۔
اہم خبریں سے مزید