فرمان الہی
نماز کے اوقات
1۔ پیپل کے پتوں میں چھپ کر
شور مچاتا ہے وہ دن بھر
سارے تن پر ہریالی ہے
چونچ پہ سُرخی اور لالی ہے
دال چنے کی شوق سے کھائے
ہری مرچ بھی خوب چبائے
کوشش کر کے اس نے بھیّا
انسانوں کا لہجہ سیکھا
کُھل جائے جو پنجرے کا در
اُڑ جاتا ہے موقع پا کر
اپنے وطن کو چل دیتا ہے
پیار کے بدلے چھل دیتا ہے
۔۔۔۔۔۔۔۔۔۔۔۔۔۔۔۔۔
2۔ باغوں میں لہراتی ہے
پھولوں پر منڈلاتی ہے
رنگ برنگے پر والی
ننھے منّے سر والی
کلیوں کا منہ چومتی ہے
شاخوں پر بھی جھومتی ہے
اتراتی بل کھاتی ہے
یہاں وہاں اِٹھلاتی ہے
ننھی سی اک جان ہے وہ
پھولوں کی مُسکان ہے وہ
باغوں میں جب جاتے ہیں
بچے اُس کو ستاتے ہیں
کیا تم نے کچھ پہچانا
نام ذرا اب بتلانا
بوجھو تو جانیں کے جوبات: 1۔طوطا 2۔ تتلی
