• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمرہ مسافروں سے ممنوعہ اشیاء برآمد، 5 افراد اور تین سہولت کار گرفتار

آج کا اخبار
اہم خبریں
25 جنوری ، 2026
کراچی( ثاقب صغیر )جناح ایئرپورٹ پر تین اہم اداروں کی چیکنگ عبور کرنے والے عمرہ مسافروں سے ممنوعہ اشیاء برآمد کر لی گئیں،5مسافروں اور ان کے تین سہولت کاروں کو حراست میں لے لیا گیا ہے۔حکام کے مطابق مسافر تین اہم سیکیورٹی چیک پوائنٹس اے این ایف ، کسٹم اور اے ایس ایف عبور کرنے کے بعد امیگریشن کلیئرنس کے لیے پہنچے ۔مسافروں میں شاہ فیصل، محمد ہاشم، اسداللہ، وقاص اور محسن شیخ شامل ہیں جو پاکستانی پاسپورٹس پر عمرہ ویزا کے حامل ہو کر سعودی عرب روانہ ہو رہے تھے۔ امیگریشن کلیئرنس کے دوران جناح انٹرنیشنل ایئرپورٹ (JIAP) پر کاؤنٹر افسران کی جانب سے مشکوک حرکات کے باعث مذکورہ مسافروں کو مزید جانچ پڑتال کے لیے انچارج اور جی آر او کے پاس ریفر کیا گیا۔جانچ پڑتال کے دوران یہ انکشاف ہوا کہ کسی بھی مسافر کے پاس ہوٹل بکنگ موجود نہیں تھی اور نہ ہی ان کے پاس عمرہ کی ادائیگی کے لیے مناسب مالی وسائل تھے۔تفصیلی پوچھ گچھ کے دوران معلوم ہوا کہ مذکورہ مسافر امیگریشن کاؤنٹر تک پہنچنے سے قبل ایئرپورٹ سیکیورٹی فورس، اینٹی نارکوٹکس فورس اور کسٹمز کے تین سیکیورٹی چیک پوائنٹس عبور کر چکے تھے۔
اہم خبریں سے مزید