• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سابق مشہور کرکٹر کا بیٹا گھریلو ملازمہ سے زیادتی کے الزام میں گرفتار، مقدمہ درج

آج کا اخبار
اہم خبریں
25 جنوری ، 2026
لاہور(مانیٹر نگ ڈیسک)قومی کرکٹ ٹیم کے سابق مشہور لیگ اسپنر کے بیٹے پر گھریلو ملازمہ نے جنسی زیادتی کا الزام عائد کرتے ہوئے ایف آئی آر درج کرادی اور پولیس نے ملزم کو گرفتار کرلیا۔ لاہور کے تھانہ برکی میں درج ایف آئی آر میں الزام عائد کیا گیا ہے کہ برکی کے علاقے میں رہائش پذیر سابق فرسٹ کلاس کرکٹر سلمان قادر نے گھریلو ملازمہ کو اپنے فارم ہاؤس لے جا کر جنسی درندگی کا نشانہ بنا ڈالا۔پولیس کو ملازمہ نے بتایا کہ سلمان قادر نے ان کو کام پر جلدی بلایا، جس پر وہ نجی ہاؤسنگ سوسائٹی کے مین گیٹ پر آگئی، جہاں سے انہیں گاڑی میں بٹھا کر اپنے فارم ہاؤس لے گیا جہاں ملزم نے ملازمہ کے ساتھ زبردستی جنسی زیادتی کی۔ایس پی کینٹ اخلاق اللہ تارڑ نے بتایا کہ21 سالہ گھریلو ملازمہ کے ساتھ زیادتی کرنے والا ملزم سلمان قادر کوگرفتار کرلیا ہے جس نے ملازمہ کو گھر سے کام کے بہانے بلایا اور ورغلا پھسلا کر اپنے فارم ہاؤس پر لے گیا اور زبردستی زیادتی کا نشانہ بنا ڈالا۔متاثرہ خاتون کی مدعیت میں ملزم سلمان قادر کے خلاف فوری مقدمہ درج کرلیا گیا ۔
اہم خبریں سے مزید