• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سرکاری وفد کے ارکان ظاہر کرکے 2 پرائیویٹ افراد کے فرانس کے ویزے لگوانے پر مقدمہ درج

آج کا اخبار
اہم خبریں
25 جنوری ، 2026
راولپنڈی (سٹاف رپورٹر) سرکاری وفد کے ارکان ظاہرکرکے2پرائیویٹ افراد کے فرانسیسی ایمبیسی سے ویزے لگوانے والے ملزموں کے خلاف مقدمہ درج کرلیاگیا،ذرائع کے مطابق ایف آئی اے امیگریشن نے کچھ عرصہ پہلے اسلام آباد ایئرپورٹ سےکامران اور عامر شہزادنامی دواشخاص کو گرفتار کیا ، ،چیکنگ کے دوران انکشاف ہواکہ وہ دونوں پرائیویٹ پرسن ہیں لیکن سرکاری اہل کار بن کر بیرون ملک جارہے ہیں ، فیڈرل انوسٹی گیشن ایجنسی نے جب تحقیقات کیں ،تو انکشاف ہواکہ ایف بی آر کا ایک افسر اس معاملے میں ملوث ہے جس نے مبینہ طور پران دونوں سے لاکھوں روپے لے کر ان کی سہولت کاری کرتے ہوئے انہیں ایک سرکاری وفد کے ارکان ظاہر کیا،اور اسی تناظر میں ان کے فرانس کے ویزے لگوائے گئے ،ایف آئی اے حکام کے مطابق کامران اور عامر شہزاد کے لیے آفیشل ای میل بھی فرانسیسی ایمبیسی کو کی گئی، جس میں ان دونوں کو ایف بی آر کا ملازم ظاہر کیا گیا حالاں کہ وہ دونوں سرکاری ملازم نہ ہیں۔
اہم خبریں سے مزید