• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اظہار رائے کے معاملے پر عدالت بڑا احتیاط برتتی ہے، لاہور ہائیکورٹ

میرا شہر
لاہور
29 جنوری ، 2026
لاہور(کورٹ رپورٹر)لاہور ہائیکورٹ کے جسٹس ارشد ندیم ارشد نے ہراسانی سے متعلق گلوکار علی ظفر کے ہتک عزت دعویٰ کا فیصلہ 30دن میں کرنے کا حکم دے دیا، تحریری حکم میں عدالت نے اداکارہ میشا شفیع کے دعویٰ بارے بیان دینے سے روکنے کے خلاف درخواست مسترد کردی،عدالت نے میشا شفیع کو دعویٰ پر بیان دینے سے روکنے کا ٹرائل کورٹ کا فیصلہ درست قرار دےدیا ،عدالت نے ریمارکس دیئے کہ اظہار رائے کے معاملے پر عدالت بڑااحتیاط برتتی ہے،جب اچھی شہرت کا حامل شخص دعویٰ کرے کہ اس پر جھوٹے الزامات عائد ہوئے اور ان کو بار بار پھیلایا جارہا ہے ، اس صورت میں عدالت کے پاس اختیار ہے وہ حتمی فیصلے تک بیان سے روک سکتی ہے ،میشا شفیع کے وکیل نے موقف اپنایا کہ ہتک عزت کے معاملے پر حکم امتناعی نہیں دیا جاسکتا یہ درست نہیں ہے ، ٹرائل کورٹ نے میشا شفیع کو ہتک عزت کے کیس پر بیان دینے سے روک تھا ، ادکارہ میشا شفیع نے ٹرائل کورٹ کے فیصلے کو لاہور ہائیکورٹ میں چیلنج کیا تھا۔
لاہور سے مزید