فرمان الہی
نماز کے اوقات
جیو ٹی وی اور بابر جاوید کی مشترکہ پیش کش ڈرامہ سیریل ’ہمراہی‘ ٹی وی اسکرینز پر تہلکہ مچانے کے لیے تیار ہے۔
ڈرامہ سیریل ہمراہی جلد ٹی وی اسکرین کی زینت بنے گی، جس کا تجسس، تھرل، ایکشن سے بھرپور ٹریلر جاری کر دیا گیا ہے۔
نئی شاہکار ڈرامہ سیریل جلد جیو انٹرٹینمنٹ کے ناظرین کے لیے پیش کی جائے گا، جیو ٹی وی کی میگا سیریل ’ہمراہی‘ کے ٹریلر نے سوشل میڈیا پر دھوم مچا دی۔
مختصر وقت میں اس ٹریلر کو 1 لاکھ 69 ہزار سے زائد بار دیکھا جا چکا ہے جبکہ 7.9 ہزار افراد نے اسے یوٹیوب پر لائک کیا ہے۔
’ہمراہی‘ کے مرکزی کردار دانش تیمور اور ہر دلعزیز اداکارہ حبہ بخاری کی اسکرین پر رومانوی کیمسٹری کو مداحوں کی جانب سے بےحد سراہا جا رہا ہے۔
ڈرامے میں اظفر رحمٰن، حاجرہ یامین اور شیز سجاد گل بھی اہم کرداروں میں جلوہ گر ہوں گے۔
’ہمراہی‘ کی ہدایتکاری کے فرائض بابر جاوید انجام دے رہے ہیں جبکہ اس کی متاثر کن اور جذبات سے بھرپور تحریر زنجبیل عاصم کے قلم کا شاہکار ہے۔
