• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خوشی غمی تمام تہواروں پر اپنے شہداء کے اہلخانہ کے ساتھ ہیں،آئی جی

میرا شہر
لاہور
20 مارچ ، 2026
لاہور(کر ائم رپو رٹرسے) آئی جی پنجاب نے کہا کہ پنجاب پولیس خوشی غمی کے لمحات سمیت تمام تہواروں پر اپنے شہداء کے اہلخانہ کے ساتھ ہے۔ ملک و قوم اور شہریوں کی جان و مال کی حفاظت کے دوران جام شہادت نوش کرنے والے بہادر جوان ہمارا فخر ہیں ،جس کے تسلسل میں لاہور سمیت صوبہ بھر میں شہداء پولیس کی فیملیز میں عید گفٹس تقسیم کیے گئے۔ ترجمان پنجاب پولیس نے بتایا کہ انسپکٹر جنرل پولیس پنجاب عبدالکریم کی ہدایت پر شہداء پولیس کے گھروں کی دہلیز پر عید گفٹس پہنچائے گئے۔سی پی اوز، ڈی پی اوز، ایس پیز سمیت سینئر افسران نے شہداء پولیس کے گھروں کا دورہ کیا، اہلخانہ سے ملاقات کی اور پھولوں کے گلدستے اور مٹھائی بھی پیش کی۔ سینئر پولیس افسران نے شہداء پولیس کے اہلخانہ کو آئی جی پنجاب عبدالکریم کی طرف سے عید مبارک کا پیغام بھی پہنچایا۔سینئر افسران نے شہداء پولیس کی عظیم قربانیوں کو خراج عقیدت پیش کیا۔
لاہور سے مزید