فرمان الہی
نماز کے اوقات
امریکا کی جانب سے مغربی عراق پر کیے گئے فضائی حملے میں الحشد الشعبی کے کمانڈر سمیت 10 جنگجو شہید ہوگئے۔
بین الاقوامی میڈیا کی رپورٹ کے مطابق امریکا نے عراق کے صوبہ انبار میں ایران کے حمایت یافتہ گروپ الحشد الشعبی کے ہیڈ کوارٹر کو نشانہ بنایا جس کے نتیجے میں کمانڈر سمیت 10 جنگجو شہید جبکہ 30 شدید زخمی ہوگئے۔
الحشد الشعبی کو ’پاپولر موبلائزیشن فورسز (پی ایم ایف)‘ کے نام سے بھی جانا جاتا ہے، جو کہ اب باقاعدہ عراق کی فوج کا حصّہ ہے، لیکن اس میں کچھ ایران نواز گروپ بھی شامل ہیں۔
اس فضائی حملے کے بعد مشرقِ وسطیٰ میں جاری کشیدگی میں مزید اضافے کا امکان ہے۔
واضح رہے کہ امریکا کی جانب سے فی الحال عراق پر ہونے والے اس فضائی حملے کی باقاعدہ تصدیق نہیں کی گئی ہے۔
