فرمان الہی
نماز کے اوقات
پاکستان کرکٹ ٹیم کے سابق کپتان اور کمنٹیٹر شعیب ملک نے اسپنر عثمان طارق کو پہلی بار کھیلنے کا دلچسپ واقعہ بتادیا۔
پی ایس ایل 11 کے دوسرے میچ میں عثمان طارق بولنگ کےلیے آئے تو انہیں پہلے اوور میں اعظم خان کا سامنا کرنا پڑا، ان 6 گیندوں پر بیٹرز نے ایک چھکے سمیت 11 رنز بٹورے۔
اس اوور کے دوران کمنٹیٹری باکس میں موجود بازید خان نے شعیب ملک سے استفسار کیا کہ آپ نے جب پہلی بار عثمان طارق کا سامنا کیا تو ان کے بولنگ انداز سے کتنی مشکل ہوئی؟
اس پر پاکستانی ٹیم کے سابق کپتان نے بتایا کہ میں اور پولارڈ کراچی کنگز کی طرف سے کھیلتے تھے، یہ اس وقت کا واقعہ ہے، جب پہلی بار سامنا ہوا تو ان کے انداز پر پہلے ہم دونوں بیٹرز کی ہنسی نکل گئی۔
انہوں نے مزید کہا کہ اس موقع پر پولارڈ نے مجھے مشورہ دیا کہ اس بولر کو کھیلنے کے لیے خود کو تب ریڈی سمجھیں جب یہ ان کے ایکشن میں رکنے کا مرحلہ آتا ہے۔
