فرمان الہی
نماز کے اوقات
خیرپور میں جرگے کے دوران فریق کے مطالبہ نہ ماننے پر پسند کی شادی کرنے والی خاتون کو گولیاں مار کر قتل کردیا گیا۔
پولیس کے مطابق خاتون کے ماموں اور نانا سمیت 18 ملزمان کو گرفتار کر کے آلہ قتل برآمد کر کے مقدمہ درج کر لیا گیا۔
مقامی ذرائع کا کہنا ہے کہ جرگے میں لڑکی کے اہل خانہ نے سوا ایکڑ زمین اور 20 لاکھ نقد کا تقاضا کیا تھا، رقم دینے سے انکار پر ماموں نے اپنی بھانجی کو سب کے سامنے قتل کر دیا، مقتولہ کا شوہر جرگے میں شامل نہیں تھا۔
قتل کی ویڈیو سوشل میڈیا پر وائرل ہونے پر وزیرِ داخلہ سندھ ضیاء لنجار نے نوٹس لیتے ہوئے ایس ایس پی خیرپور سے رپورٹ طلب کر لی۔
ضیاء لنجار کا کہنا ہے کہ ایسے واقعات سندھ کی صوفی روایات کے منافی ہیں، ملزمان اور ان کے سہولت کاروں سے کوئی رعایت نہیں برتی جائے گی۔
