فرمان الہی
نماز کے اوقات
کراچی (نیوز ڈیسک)سندھ بوائے اسکاؤٹس ایسوسی ایشن کے صوبائی کمشنر جسٹس ریٹائرڈ حسن فیروز نے کہا ہے کہ کمیونٹی کے لئے اسماعیلی اسکاؤٹس کی خدمات قابل ستائش ہیں ۔ اس ڈسٹرکٹ سے وابستہ اسکاؤٹس نے پاکستان کے بہترین اسکائوٹس کے ایوارڈز حاصل کر کے سندھ کا نام روشن کیا ہے ۔ اسکاؤٹ اسکلز میں اس ڈسٹرکٹ کے اسکائوٹس نے سبقت برقرار رکھی ہے۔ انہوں نے ان خیالات کا اظہار صدیق میمن اسکاؤٹ آڈیٹوریم میں منعقدہ ’اسٹارز آف اسکاؤٹنگ ‘ کی تقریب سے بحیثیت مہمان خصوصی خطاب کرتے ہوئے کیا ۔ تقریب سے صوبائی سیکرٹری سید اختر میر ،اسماعیلی کمیونٹی کے سدرن زون کے صدر آمین تیجانی ، عدیل ویرانی ، علی تھاروانی اور ذوالفقار حاکم علی ، نے بھی خطاب کیا ۔ تقریب میں نائب صوبائی کمشنر حسین مرزا ، رفیق جندانی ،ڈپٹی سیکرٹری فرقان یوسفی ، سید حبیب الدین ، صادق جعفری ، گولڈ میڈل حاصل کرنے والے اسکاؤٹ ان کے والدین اور لیڈرز بھی موجود تھے ۔ اس موقع پر صدارتی گولڈ میڈل حاصل کرنے والے اسکاؤٹس کو شیلڈز پیش کی گئیں ۔
