فرمان الہی
نماز کے اوقات
ایرانی خبر ایجنسی نے دعویٰ کیا ہے کہ ایران اس وقت امریکا کے بھیجے گئے پیغام کا جواب دے رہا ہے۔
ایرانی خبر ایجنسی کا کہنا ہے کہ ایران امریکا کی جانب سے بھیجے گئے ٹیکسٹ کا جواب دے رہا ہے۔
ایرانی خبر ایجنسی کے مطابق ایران میں وسیع فریم ورک، بعض تفصیلات اور اعتماد سازی کے اقدامات بطور ضمانت زیرِ بحث ہیں، بھیجے گئے پیغام نے کسی حد تک اختلافات کم کیے ہیں۔
ایرانی خبر ایجنسی کے مطابق ان اختلافات کو مزید کم کرنے کے لیے امریکا کی جنگی دھمکیوں کا خاتمہ ضروری ہے۔
اس سے قبل ایرانی وزارتِ خارجہ کی جانب سے بھی بتایا گیا تھا کہ امریکا کی جانب سے نئی تجاویز موصول ہوئی ہیں جن کا جائزہ لیا جا رہا ہے۔
ادھر امریکی نیوز ویب سائٹ کا دعویٰ ہے کہ ایران سے ممکنہ ڈیل تجاویز پر ٹرمپ اور نیتن یاہو کے درمیان تلخ جملوں کا تبادلہ ہوا ہے۔
نیوز ویب سائٹ کے مطابق امریکا کے صدر ڈونلڈ ٹرمپ نے اسرائیلی وزیرِ اعظم نیتن یاہو سے ٹیلی فون پر رابطہ کر کے بتایا ہے کہ ثالث اظہار ارادہ کے خط پر کام کر رہے ہیں جس پر امریکا اور ایران دستخط کریں گے۔
