• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عاشورہ کے جلوس منتظمین اور عزاداران سے علموں کو برقی تنصیبات سے دور رکھنے کی اپیل

میرا شہر
کوئٹہ
23 جون ، 2026
کوئٹہ ( اسٹاف رپورٹر)کوئٹہ الیکٹرک سپلائی کمپنی کیسکونے محرم الحرام میں عاشورہ کے جلوسوں اور مجالس کے دوران عوام سے، جلوس منتظمین اور عزاداران سے اپیل کی ہے کہ وہ اپنی اور دوسروں کی جانوں کے تحفظ کے لیے‘‘علم’’کو بجلی کی تاروں اور برقی تنصیبات سے محفوظ فاصلے پر رکھیں۔کیونکہ جلوسوں کے راستوں میں موجود بجلی کی لائنوں، کھمبوں اور دیگر برقی تنصیبات کے قریب غیر محتاط رویہ کسی بھی ناخوشگوار حادثہ کا سبب بن سکتا ہے۔کیسکو نے جلوسوں کے منتظمین سے اپیل کی ہے کہ وہ علم کو بلند کرتے وقت اونچائی کا خصوصی خیال رکھیں اور بجلی کی تاروں کے قریب جانے سے مکمل اجتناب کریں۔اسکے علاوہ جلوس کے راستوں کا پیشگی جائزہ لیں اور جہاں ضرورت ہو وہاں متعلقہ کیسکو حکام سے رابطہ کریں۔
کوئٹہ سے مزید