ضمنی انتخابات میں موروثی سیاست کی جھلک

14 اکتوبر ، 2018

ملک بھر میں آج ہونے والے ضمنی انتخابات میں موروثی سیاست کی جھلک دیکھنے میں آئی۔

این اے60 راول پنڈی میں شیخ رشید کے بھتیجے شیخ راشد پی ٹی آئی کے امیدوار جبکہ گجرات این اے 69 میں پرویز الٰہی کے بیٹے مونس الٰہی میدان میں ہیں۔

اسی طرح این اے 35 بنوں میں اکرم درانی کے بیٹے زاہد درانی ایم ایم اے کے امیدوار جبکہ پی کے98سےپی ٹی آئی کے شہید اکرام اللہ گنڈا پور کے بیٹے الیکشن لڑرہے ہیں۔

پی کے 78سے شہید ہارون بلور کی بیوہ ثمر ہارون اےاین پی کی امیدوار جبکہ نوشہرہ کے ایک حلقے میں پرویز خٹک کے بیٹے اور ایک حلقے میں بھائی پی ٹی آئی کے امیدوار ہیں۔

اسپیکر قومی اسمبلی اسدقیصرکے بھائی عاقب اللہ پی کے44 صوابی سے امیدوار جبکہ پی کے 97 ڈی آئی خان سے علی امین گنڈاپور کے بھائی فیصل امین گنڈاپور میدان میں ہیں۔

تازہ ترین