آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

جنرل اسمبلی، حقِ خودارادیت کی حمایت میں پاکستانی قرار داد منظور

اقوام متحدہ کی جنرل اسمبلی نے پاکستان کی جانب سے حقِ خودارادیت کی حمایت میں قرار داد اتفاقِ رائے سے منظور کرلی۔

پاکستان کے اقوام متحدہ میں مستقل مندوب منیر اکرم نے اقوامِ متحدہ کی جنرل اسمبلی میں حقِ خودارادیت کی حمایت کی قرار داد پیش کی۔

منیر اکرم نے قرار داد میں کہا ہے کہ کوئی بھی ملک جارحیت، کرفیو اور غیر قانونی پابندیاں لگا کر مقبوضہ علاقوں میں عوام کا حقِ خود ارادیت غصب نہیں کر سکتا۔

یہ قرارداد دنیا بھر کے 81 ممالک کے تعاون سے مشترکہ طور پر 193 رکنی اسمبلی کی تیسری کمیٹی میں بغیر کسی ووٹ کے منظور کی گئی، جس کا مقصد مقبوضہ کشمیر کے شہریوں اور فلسطینیوں سمیت حقِ خود ارادیت کے لیے لوگوں کی جدوجہد پر دنیا کی توجہ مرکوز کرانا ہے۔

واضح رہے کہ بھارتی قابض و غاضب حکومت کی جانب سے مقبوضہ کشمیر کی آئینی حیثیت تبدیل کرنے اور 5 اگست سے مقبوضہ وادی میں کرفیو، لاک ڈاؤن اور غیر آئینی و قانونی پابندیوں کے باعث کشمیریوں کا جینا مشکل ہو چکا ہے، اس دوران متعدد نہتے کشمیری شہید اور زخمی ہو چکے ہیں۔

مقبوضہ کشمیر میں 109ویں روز بھی لاک ڈاؤن برقرار ہے، قابض بھارتی حکومت کے شٹ ڈاؤن سے مقبوضہ کشمیر میں تجارتی سرگرمیاں بدحالی کا شکار ہیں، جبکہ 5 اگست سے جاری پابندیوں کے باعث اب تک وادی میں 1 ارب ڈالر سے زائد کا نقصان ہو چکا۔

یہ بھی پڑھیئے: مقبوضہ کشمیر میں زندگی بجھ سی گئی

مقبوضہ کشمیر میں بھارتی لاک ڈاؤن، کرفیو اور جبری پابندیوں کے باعث زندگی بجھ سی گئی ہے، دن بھر سڑکیں سنسان رہتی ہیں۔

قابض بھارتی حکومت نے کشمیریوں پر ظلم ڈھانے کی نئی حکمتِ عملی اپنائی ہے جس کے تحت مقبوضہ کشمیر میں ساڑھے پانچ سو روبوٹس تعینات کیے جا رہے ہیں۔

اسلحے سے لیس یہ روبوٹس فائرنگ کرنے کے علاوہ سرحدی علاقوں میں نقل و حرکت پر بھی نظر رکھیں گے۔

یہ روبوٹس سیڑھیاں چڑھنے، رکاوٹیں عبور کرنے اور گرینیڈ پھینکنے کی صلاحیتوں کے بھی حامل ہیں۔

مقبوضہ وادی میں تازہ کارروائی میں حکمراں جماعت بھارتیہ جنتا پارٹی (بی جے پی) نے حزبِ اختلاف کی شدید مخالفت کے باوجود مقبوضہ کشمیر کی سڑکوں اور سرکاری محکموں کے نام تبدیل کرکے ہندوانہ نام رکھنے شروع کر دیے ہیں۔

قومی خبریں سے مزید