آپ آف لائن ہیں
جنگ ای پیپر
اتوار30؍جمادی الاوّل 1441ھ 26؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

عمران خان کو دن رات شریف خاندان کا خیال ستاتا ہے: مریم اورنگزیب ‎

پاکستان مسلم لیگ نون کی ترجمان مریم اورنگزیب نے کہا ہے کہ عمران خان کو دن رات صرف نواز شریف، شہباز شریف، مریم نواز، حمزہ شہباز اور مسلم لیگ نون کا خیال ستاتا رہتا ہے۔

سماجی رابطے کی ویب سائٹ ٹوئٹر پر ایک بیان میں نون لیگی ترجمان نے ایک بار پھر وزیرِ اعظم عمران خان اور پی ٹی آئی حکومت کو ہدفِ تنقید بنایا ہے۔

مریم اورنگزیب نے کہا ہے کہ ‎سرکاری خرچ پر نیب اور پی آئی ڈی کو صرف نواز شریف، شہباز شریف، مریم نواز، شریف خاندان اور مسلم لیگ نون کےخلاف سیاسی انتقام کے لیے استعمال کیا جا رہا ہے۔

انہوں نے کہا کہ ‎سیلیکٹڈ وزیرِ اعظم اور ان کے 2 درجن ترجمانوں کا مسئلہ مہنگائی، معیشت کی بد حالی، عوام کا کاروبار اور روزگار نہیں، ‎نالائق اور نااہل حکومت کی پریشانی 22 کروڑ عوام نہیں۔

مریم اورنگزیب نے کہا کہ سابق وزیرِ اعظم میاں نواز شریف کی صاحبزادی مریم نواز پر آج تک ایک بھی الزام ثابت نہیں ہوا۔

انہوں نے مزید کہا کہ ‎مریم نواز کیوں اپنے والد کی تیماردای کرنے نہ جائیں؟ مریم نواز پر آج تک ایک روپے کی کرپشن ثابت نہیں ہوئی۔

یہ بھی پڑھیئے: ’’وزیر اعظم اور چالیس چور مایوسی کا شکار ہیں‘‘

ترجمان نون لیگ نے یہ بھی کہا کہ ‎پارلیمان اور پی ٹی وی پر حملہ و مالم جبہ کیس میں عمران صاحب کا نام جبکہ ‎فارن فنڈنگ اور بی آر ٹی کھڈے کیس میں پوری پی ٹی آئی کا نام ای سی ایل میں شامل ہونا چاہیے۔

قومی خبریں سے مزید