فرمان الہی
نماز کے اوقات
وزیرِ اعظم عمران خان کی معاونِ خصوصی برائے اطلاعات و نشریات ڈاکٹر فردوس عاشق اعوان کہتی ہیں کہ نئے الیکشن کی بات مضحکہ خیز اور بی بی شہید کے فلسفے کی نفی ہے۔
سماجی رابطے کی ویب سائٹ ٹوئٹر پر ایک بیان میں فردوس عاشق اعوان نے چیئر مین پی پی پی کوہدفِ تنقید بنایا۔
انہوں نے کہا کہ بلاول صاحب! 2020ء عوامی خوشحالی اور قومی ترقی کا سال ہوگا، اپنے گھر لاڑکانہ سے شکست کھانے والوں کے منہ سے نئے سال میں نئے الیکشن کی بات مضحکہ خیز اور بی بی شہید کے فلسفے کی نفی ہے۔
انہوں نے کہا کہ لاڑکانہ کی حالیہ شکست کرپشن کے خلاف عوام کا اعلانِ بغاوت ہے، بلاول صاحب! پاکستان کے عوام نے 2 خاندانوں کے دہائیوں سے مسلط اقتدار کو زمین بوس کر کے عمران خان کی قیادت میں حقیقی عوامی راج قائم کر دیا ہے۔
یہ بھی پڑھیئے: ملزم کا نہیں اے این ایف کا ٹرائل ہو رہا ہے: فردوس
وزیرِ اعظم کی معاونِ خصوصی نے مزید کہا کہ اپوزیشن قیادت سیاسی منافقت کی بد ترین مثال ہے، ایک ہی سانس میں جمہوریت کی حمایت دوسرے میں مخالفت کرتے ہیں۔
انہوں نے یہ بھی کہا کہ خود اقتدار میں ہوں تو حکومت آئینی مدت پوری کرے، عوام اقتدار عمران خان کو دیں تو ان کی طبیعت ناگوار کیوں؟
