جاپان کی ایک خصوصی عدالت نے ایک شہری کی اس درخواست کو مسترد کر دیا ہے جس میں استدعا کی گئی تھی کہ ملک کے دوجوہری بجلی گھروں کو بند کردیا جائے۔ درخواست گزار نے یہ موقف اختیار کیا تھا کہ ان دونوں ایٹمی ری ایکٹروں میں کیے گیے حفاظتی اقدامات مناسب نہیں، لہذا انہیں بند کر دیا جاے۔
تاہم عدالت نے جاپانی حکومت کا موقف سننے کے بعد اس درخواست کو مسترد کر دیا۔یاد رہے کہ مارچ 2011میں شدید زلزلے کے بعد آنے والی سونامی کے باعث فوکوشیما میں جاپانی ایٹمی بجلی گھر کا کولنگ نظام تباہ ہونے کے بعد شدید تابکاری پھیل گئی تھی اور جاپان بھر کے اٹیمی بجلی گھر بند کردیئے گئے تھے۔
جاپانی میڈیا نے اس فیصلے کو جاپانی وزیر اعظم شنزو آبے کی جیت قرار دیا ہے جو ملک میں اٹیمی توانائی کو دوبارہ فعال کرنے کے سب سے بڑے حامی تصور کیے جاتے ہیں۔
فرمان الہی
نماز کے اوقات
