آپ آف لائن ہیں
جمعہ23؍ذی الحج 1441ھ14؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

برطانیہ: کورونا میں اضافہ، وزیراعظم نے 15 دن کیلئے نرمی ختم کردی

برطانوی وزیراعظم بورس جانسن نے کہا ہے کہ یورپ میں کورونا کیس بڑھنے کے سبب برطانیہ کو تیار رہنا ہوگا۔ مئی کے بعد پہلی بار انگلینڈ میں وائرس میں اضافہ دیکھنے میں آیا ہے۔

وزیراعظم بورس جانسن نے ان خیالات کا اظہار  کورونا سے متعلق میڈیا بریفنگ کے دوران کیا۔

انھوں نے کہا کہ لاک ڈاؤن میں کل سے ہوئی نرمی کے اقدامات پر اب 2 ہفتوں کے بعد عمل ہوگا، کیسینو، باؤلنگ  ایلیز اور اسکیٹنگ رنگز کل کے بجائے 15 اگست سے کھلیں گے۔

بورس جانسن کا کہنا تھا کہ 30 افراد تک والی شادی کی تقریبات بھی فی الحال نہیں ہوسکیں گی۔ عبادت گاہوں، سنیما، گیلریز، میوزیم میں 8 اگست سے ماسک پہننا لازمی ہوگا۔ شمالی انگلینڈ میں نئی پابندیوں کا مطلب لاک ڈاؤن کی طرف واپسی نہیں۔

انھوں نے کہا کہ ستمبر سے اسکول کھولنا حکومت کی اولین ترجیحات میں شامل ہے۔

بین الاقوامی خبریں سے مزید