ریا کے بھائی کا ڈرگ ڈیلر سے رابطوں کا انکشاف

آنجہانی بھارتی ہیرو سُشانت سنگھ راجپوت کی گرل فرینڈ ریا چکروتی کے بھائی کا ڈرگ ڈیلر سے رابطوں کا انکشاف ہوا ہے۔

14 جون کواپنی زندگی کا خاتمہ کرنے والے بھارتی ہیرو سشانت سنگھ کی خود کشی سے متعلق تاحال تحقیقات جاری ہیں جن کے نتیجے میں آئے دن نئے انکشافات سامنے آ رہے ہیں، سُشانت سنگھ قتل کیس میں اُن کی گرل فرینڈ ریا چکروتی  کو خاندان سمیت شامل تفتیش کیا گیا ہے۔

سارہ سے بریک اپ کے بعد سوشانت بچوں کی طرح روئے تھے، قریبی دوست کا انکشاف

خودکشی کرنے والے بالی ووڈ کے نوجوان اداکار سوشانت سنگھ راجپوت کے قریبی دوست نے اداکارہ سارہ علی خان کے ساتھ سوشانت کے رلیشن شپ کو لے کر ایک بڑا انکشاف کیا ہے۔

گزشتہ روز بھارتی تحقیقاتی ادارے سینٹرل بیورو آف انویسٹی گیشن (سی بی آئی ) کی جانب سے نئی معلومات میڈیا کے ساتھ شیئر کی گئی ہی جن کے مطابق سشانت سنگھ راجپوت کی گرل فرینڈ ریا چکروتی کے بھائی شویک کی کچھ واٹس ایپ چیٹ کی جانچ پڑتال کے نتیجے میں یہ بات سامنے آئی ہے کہ شویک کے ڈرگ ڈیلرز کے ساتھ روابط تھے ۔

سینٹرل بیورو آف انویسٹی گیشن (سی بی آئی) کے مطابق شویک چکروتی کے ڈرگ ڈیلر سے نشہ آور مواد حاصل کرنے سے متعلق رابطوں کے شواہد ملے ہیں ۔

سی بی آئی کی جانب سے شیئر کی گئی معلومات کے مطابق شویک چکروتی  نے ڈرگ ڈیلر سے رابطہ کیا اور نشہ آور مواد مانگا جس پر ڈرگ ڈیلر کی جانب سے نشہ آور مواد  دینے کی حامی بھی بھری گئی تھی۔

سی بی آئی کے مطابق شویک چکروتی کی چیٹ سے معلوم ہوتا ہے کہ شویک نے ڈرگ ڈیلر سے کسی ’ ڈیڈ‘ نامی فرد کے لیے نشہ مانگا تھا، سی بی آئی کا کہنا ہے کہ شویک نے یہ نشہ آور مواد اپنے والد کے لیے مانگا یا یہ ’ڈیڈ‘ کسی فرد کا نِک نیم یا کوڈ نیم ہے تا حال اس پر تفتیش جاری ہے ۔

سوشانت قتل کیس: تحقیقات میں قتل کے شواہد نہیں ملے، سی بی آئی

سوشانت سنگھ راجپوت کی پراسرار موت کی تحقیقات کرنے والے سی بی آئی کے تین افسروں نے کہا ہے کہ اب تک ہونے والی تحقیقات میں انھیں ایسا کوئی ثبوت نہیں ملا ہے جس کی بنیاد پر یہ کہا جاسکے کہ سوشانت سنگھ راجپوت کو قتل کیا گیا ہے۔

دوسری جانب بھارتی نارکوٹکس کنٹرول بیورو کی جانب سے ایک نشہ فروش کو گرفتار کیا گیا ہے جس نے ریا چکروتی اور اُس کے بھائی شویک چکروتی سے رابطوں کی تصدیق کی ہے۔

سشانت سنگھ کی گرل فرینڈ ریا چکروتی کے والد کو سی بی آئی کی جانب سے منشیات سے متعلق تفتیش کے لیے دوسری بار پیشی کے لیے سمن جاری کیا گیا ہے ۔

سوشانت بیک وقت دونوں ہاتھوں سےلکھ سکتے تھے

آنجہانی بھارتی اداکار سوشات سنگھ راجپوت کی بہن شویتا سنگھ کریتی کی جانب سے ایک ویڈیو شیئر کی گئی جس میں دیکھا جا سکتا ہے کہ سوشانت سنگھ کتنے ذہین اور باصلاحیت انسان تھے۔

واضح رہے کہ تحقیقات کرنے والے سینٹرل بیورو آف انویسٹی گیشن (سی بی آئی) کے افسران نے بھارتی میڈیا کو واضح طور پر بتایا ہے کہ اب تک ہونے والی تحقیقات میں انہیں ایسا کوئی ثبوت نہیں ملا ہے جس کی بنیاد پر یہ کہا جاسکے کہ سشانت سنگھ راجپوت کو قتل کیا گیا ہے۔

سوشانت کے گلے پر سوئی کے نشان اور پاؤں ٹوٹے ہوئے تھے، اسپتال اسٹاف

سوشانت سنگھ خودکشی معاملے میں ایک اور نیا سنسنی خیز انکشاف سامنے آیا ہے، اسپتال اسٹاف نے بتایا کہ جب سوشانت کو اسپتال لایا گیا تواُن کے گلے پر سوئی کے نشان تھے اور پاؤں ٹوٹے ہوئے تھے۔ سوشانت سنگھ خودکشی معاملے میں ایک اور نیا سنسنی خیز انکشاف سامنے آیا ہے، اسپتال اسٹاف نے بتایا کہ جب سوشانت کو اسپتال لایا گیا تواُن کے گلے پر سوئی کے نشان تھے اور پاؤں ٹوٹے ہوئے تھے۔

سی بی آئی افسران کا مزید کہنا ہے کہ اس حوالے سے تحقیقات اب بھی جاری ہیں۔