پرائمری اسکول کھولنے سے پہلے میٹنگ ہو گی، وفاقی وزیرِ تعلیم

وفاقی وزیرِ تعلیم شفقت محمود کہتے ہیں کہ ملک بھر میں اسکولوں کا پرائمری سیکشن کھولنے سے پہلے ایک میٹنگ ہو گی۔

لاہورمیں میڈیا سے گفتگو کرتے ہوئے وفاقی وزیرِ تعلیم کا کہنا ہے کہ کورونا وائرس کی روک تھام کے بعد تعلیمی ادارے بتدریج کھولنے شروع کر دیئے ہیں۔

اسکولوں سے متعلق شیڈول نہیں بدلیں گے، شفقت محمود

وفاقی وزیر تعلیم شفقت محمود نے سعید غنی کے بیان کو مسترد کردیا اور کہا کہ اسکولوں سے متعلق شیڈول میں کوئی تبدیلی نہیں ہوگی۔

شفقت محمود نے کہا کہ موجودہ صورتِ حال میں امید ہے کہ اسکولوں کے پرائمری سیکشن کھل جائیں گے۔

انہوں نے کہا کہ اپوزیشن کی خواہشات ہیں، مگران میں دم خم نہیں، نون لیگ کی حالت یہ ہے کہ ان کا قائد لندن میں بیٹھ کر تقریر کرتا ہے۔

شفقت محمود نے کہا کہ نون لیگ کے لوگ خفیہ ملاقاتیں کرتے ہیں، عوام میں کچھ اور پرائیوٹ میں کچھ کہنا سب کو ان کی سمجھ آ گئی ہے۔

انہوں نے مزید کہا کہ عوام کو نون لیگ پر اعتماد نہیں ہے، ان کے اعلانات سے کوئی فرق نہیں پڑے گا، یہ لوگ پرویز مشرف کے دورمیں بھی ڈیل کر کے گئے تھے۔

وفاقی وزیرِ تعلیم شفقت محمود کا یہ بھی کہنا ہے کہ مہنگائی ہے، پوری کوشش ہے کہ مہنگائی کو کم کریں، این سی اے کو جلد ہی یونیورسٹی کا درجہ دے دیا جائے گا۔