سنتھیا کو ڈی پورٹ کرنے کی درخواست واپس

16 نومبر ، 2020

پاکستان پیپلزپارٹی کے رہنما چوہدری افتخار کی جانب سے سنتھیا ڈی رچی کو ڈی پورٹ کرنے کی درخواست واپس لے لی گئی ہے۔

اسلام آباد ہائیکورٹ کے جسٹس عامر فاروق کی جانب سے سنتھیا ڈی رچی سے متعلق 3 درخواستوں کو یکجا کرکے سماعت کی گئی، اس دوران چوہدری افتخار کی جانب سے سنتھیا ڈی رچی کو ڈی پورٹ کرنے کی درخواست واپس لینے کی بنیاد پر درخواست خارج کردی گئی۔

دوران سماعت وکیل سنتھیا ڈی رچی کی جانب سے کہا گیا کہ رحمان ملک کے خلاف اندراج مقدمہ کی درخواست پر کارروائی چاہتے ہیں، سنتھیا ڈی رچی کا بینک اکاؤنٹ بند ہونے سے وہ معاشی بحران کا شکار ہیں۔

وکیل سنتھیا ڈی رچی کی جانب سے استدعا کی گئی کہ عدالت سنتھیا ڈی رچی کے بینک اکاؤنٹ کھولنے کا حکم دے۔

جس پر جسٹس عامر فاروق کا ریمارکس دیتے ہوئے کہنا تھا کہ آئندہ سماعت پر اس معاملے کو بھی دیکھتے ہیں ، سنتھیا رچی کو ڈی پورٹ کرنے سے متعلق وفاق کے جواب کا انتظار کر لیتے ہیں۔

واضح رہے کہ سنتھیا ڈی رچی اور رحمان ملک نے ایک دوسرے پر اندراج مقدمہ کی درخواست دائر کر رکھی ہے، عدالت کی جانب سے سنتھیا ڈی رچی اور رحمان ملک کی درخواستیں ایک ساتھ سننے کا فیصلہ کیا گیا ہے۔

یہ بھی پڑھیے

عدالت کی جانب سے تمام درخواستیں آئندہ ہفتے سماعت کے لیے مقرر کر تے ہوئے کیس کی مزید سماعت آئندہ ہفتے تک ملتوی کردی گئی۔

تازہ ترین