آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ٹرمپ نے تاریخ رقم کرنے کا دعویٰ کردیا

ایک اور دوا ساز کمپنی کی طرف سے کورونا وائرس کی ویکسین کے اعلان پر امریکی صدر ڈونلڈ ٹرمپ نے تاریخ رقم کرنے کا دعویٰ کردیا۔

امریکا کی ایک اور دواساز کمپنی کی 95 فیصد مؤثر کورونا ویکسین کے اعلان پر صدر ٹرمپ کا کہنا ہے کہ ایک اور ویکسین کا ابھی اعلان کیا گیا جو 95 فیصد مؤثر ہے۔


ڈونلڈ ٹرمپ نے کہا کہ تاریخ دان یاد رکھیں یہ تمام ایجادات جو وبا کو ختم کریں گی میری نگرانی میں ہوئی ہیں۔

 کورونا سے بچاؤ کی ایک اور ویکسین کے ٹرائل کے مثبت نتائج سامنے آگئے

امریکا میں کورونا وائرس سے بچاؤ کی ایک اور ویکسین کے ٹرائل کے مثبت نتائج سامنے آئے ہیں، جن کے مطابق نئی ویکسین وبائی مرض کے خلاف 95 فیصد تک تحفظ فراہم کر رہی ہے۔

یہ نئی ویکیسن امریکی دو اساز کمپنی ماڈرنا نے تیار کی ہے جس کے مرض سے تحفظ کی شرح 30 ہزار افراد کے ٹرائل کے نتائج سے اخذ کی گئی ہے۔

برطانوی نشریاتی ادارے بی بی سی کے مطابق فی الحال یہ کہنا قبل از وقت ہوگا کہ ویکیسین کا اثر کتنی دیر رہتا ہے۔

دوا ساز کمپنی کا کہنا ہے کہ اب تک کے نتائج یہی رہے ہیں کہ وقت گزرنے کے باوجود ویکسین کا اثر کم نہیں ہو رہا ہے۔

دواساز کمپنی کا کہنا ہے کہ ویکسین مرض کے خلاف 95 فیصد تک تحفظ فراہم کر رہی ہے، جبکہ مرض سے تحفظ کی شرح 30 ہزار افراد کے ٹرائل کے نتائج سے اخذ کی گئی ہے۔

بین الاقوامی خبریں سے مزید