اعجاز جاکھرانی کی ضمانت میں پھر توسیع

سندھ ہائی کورٹ نے آمدن سے زائد اثاثے بنانے اور اختیارات کے ناجائز استعمال سے متعلق نیب تحقیقات کے الزام میں مشیرِ جیل خانہ جات اعجاز جاکھرانی کی ضمانت میں پھر توسیع کر دی۔

مشیر جیل خانہ جات اعجاز جاکھرانی کی ضمانت قبل از گرفتاری کی درخواست کی سندھ ہائی کورٹ میں سماعت ہوئی۔

سندھ کی جیلیں کورونا سے محفوظ ہیں، اعجاز جاکھرانی

صوبائی مشیر نے کہا کہ کورونا صورتحال کے پیش نظر سندھ حکومت کی گزارش پر ہائی کورٹ نے پیشی کے دوران قیدیوں کو حاضری پر نہ لانے کی اجازت ملنے کے بعد جیلوں میں کورونا کو روکنے میں مدد ملی ہے۔

قومی احتساب بیورو (نیب) سکھر کے پراسیکیوٹر نے جواب جمع کرانے کے لیے عدالت سے مہلت مانگ لی۔

عدالتِ عالیہ نے نیب پراسیکیوٹر کو پیش رفت سے آگاہ کرنے کا حکم بھی دیا۔

نیب کی جانب سے عدالت میں مؤقف اختیار کیا گیا کہ مشیرِ جیل خانہ جات اعجاز جاکھرانی کے خلاف 3 انکوائریاں جاری ہیں، ان کے خلاف سکھر میں ایک ریفرنس بھی دائر ہو چکا ہے۔

سندھ ہائی کورٹ نے اعجاز جاکھرانی کی ضمانت میں 22 جنوری تک توسیع کردی۔