آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وسیم اکرم نے بھائی کے ہمراہ 34 سال پُرانی تصویر شیئر کردی

قومی کرکٹ ٹیم کے سابق کپتان اور دُنیا بھر میں سوئنگ کے سلطان کے لقب سے مشہور وسیم اکرم نے اپنے بھائی کے ہمراہ 34 سال پُرانی تصویر سوشل میڈیا پر شیئر کردی۔

وسیم اکرم نے فوٹو اینڈ ویڈیو شیئرنگ ایپ انسٹاگرام پر ماضی کی اپنی ایک یادگار تصویر شیئر کی ہے۔


مذکورہ تصویر میں وسیم اکرم کے ہمراہ اُن کے بھائی بھی موجود ہیں اور دونوں بھائیوں نے ایک جیسی شرٹ زیب تن کی ہوئی ہے۔

وسیم اکرم اور اُن کے بھائی کی شرٹ پر انگریزی زبان میں درج ہے ’مجھے نیو یارک سے محبت ہے۔‘

سابق کرکٹر نے اس نایاب تصویر کے ملنے پر خوشی کا اظہار کرتے ہوئے لکھا کہ ’دیکھیں، مجھے کیا ملا۔‘

اُنہوں نے بتایا کہ ’تصویر میں اُن کے ساتھ اُن کے بھائی موجود ہیں جبکہ یہ تصویر سال 1986ء کی ہے۔‘

وسیم اکرم نے انسٹاگرام صارفین کو سوچ میں مبتلا کرتے ہوئے پوچھا کہ ’ہم تصویر میں کس شہر میں موجود ہیں؟‘

سابق کپتان کے سوال پر زیادہ تر صارفین درست جواب یعنی ’نیو یارک‘ لکھا جبکہ کچھ نے نیویارک کو لاہور اور کراچی بنا دیا۔

وسیم اکرم کی اس پوسٹ پر اب تک 27 ہزار سے زائد لائکس آچکے  ہیں جبکہ تبصروں کا سلسلہ بھی جاری ہے۔

کھیلوں کی خبریں سے مزید