بھارت، خاتون کا 31ویں بار بھی کورونا ٹیسٹ مثبت آگیا

بھارتی ریاست راجستھان کے علاقے جے پور سے تعلق رکھنے والی خاتون کے اگست سے اب تک 31 بار کورونا ٹیسٹ کیے جا چکے ہیں اور حیران کن طور پر 31 بار ٹیسٹ کی رپورٹ مثبت آئی ہے۔

عام تاثر یہ ہے کہ ایک بار رپورٹ مثبت آئے تو 15 دن یا زیادہ سے زیادہ ایک ماہ بعد اس کا نتیجہ منفی آجاتا ہے۔

بھارت، تنخواہ کی عدم ادائیگی پر ٹیچرز کا ویکسین مہم میں حصہ لینے سے انکار

بھارت کے دارالحکومت نئی دہلی میں خاتون ٹیچرز نے...

بھارت سے تعلق رکھنے والی 32 سالہ خاتون نے اگست سے جنوری کی 20 تاریخ تک کورونا تشخیص کے 31 بار ٹیسٹ کروائے اور رپورٹ مثبت آئی ہے۔

یہاں قابلِ ذکر بات یہ ہے کہ خاتون میں کورونا کی کوئی علامت بھی نہیں ہے۔

بھارت، کورونا ویکسین لگائے جانے کے بعد موت پر اہل خانہ برہم

بھارتی ریاست اترپردیش کے شہر مراد آباد میں 46 سالہ مریض کی مبینہ موت پر اہل خانہ ویکسین کو موردِ الزام ٹھہرا رہے ہیں جبکہ حکام کا کہنا ہے کہ مریض کی موت حرکتِ قلب بند ہونے سے ہوئی، موت کا ویکسین سے کوئی تعلق نہیں۔

بھارتی میڈیا رپورٹ کے مطابق خاتون کے 14 بار پی سی آر اور 17 بار اینٹی جن ٹیسٹ کروائے گئے، جن کی رپورٹس میں انہیں کورونا کی تشخیص ہوئی۔

 کہا جارہا ہے کہ  مذکورہ خاتون کا دماغی توازن درست نہیں جس کی وجہ سے اُن کی دیکھ بھال اہل خانہ یا کوئی رشتے دار نہیں کررہا ہے۔

رپورٹ میں بتایا گیا ہے کہ خاتون گزشتہ پانچ ماہ سے مسلسل قرنطینہ میں ہیں، انہیں یکم ستمبر 2020 کو ایک سماجی تنظیم کے سینٹر میں منتقل کیا گیا۔

راجستھان کے محکمہ صحت کے افسر ڈاکٹر کپتان سنگھ کا کہنا تھا کہ علامات نہ ہونے کے باوجود خاتون کو وائرس کی تشخیص ہونا اس بات کی علامت ہے کہ اُن کی آنتوں میں وائرس پہنچ چکا ہے جو غیر فعال ہے۔

ڈاکٹر کا کہنا تھا کہ خاتون مکمل صحت مند ہیں، اُن میں موجود وائرس اب دوسروں کو متاثر نہیں کرسکتا۔