فرمان الہی
نماز کے اوقات
گزشتہ ماہ ایک بار پھر سے رشتۂ ازدواج میں منسلک ہونے والی پاکستان شوبز انڈسٹری کی مقبول ترین اداکارہ و میزبان نادیہ خان کے شوہر نے اُنہیں ویلنٹائن ڈے کا تحفہ دے کر خوش کردیا۔
اس ضمن میں نادیہ خان نے اپنے تصدیق شدہ انسٹاگرام اکاؤنٹ پر ایک ویڈیو شیئر کی جو مختلف تصاویر کو جوڑ کر بنائی گئی ہے۔
مذکورہ ویڈیو میں نادیہ خان کے ہمراہ اُن کے شوہر فیصل ممتاز راؤ، بیٹے اذہان اور بیٹی علیزے کو دیکھا جاسکتا ہے۔
ویڈیو میں نادیہ خان کے ہاتھ لال گلاب اور چاکلیٹ کا ایک ڈبہ بھی ہے جو ویلنٹائن ڈے کے موقع پر اُنہیں اُن کے شوہر کی جانب سے بطورِ تحفہ دیا گیا ہے۔
نادیہ خان نے یہ دلکش ویڈیو اپنے مداحوں کے ساتھ شیئر کرتے ہوئے کیپشن میں لکھا کہ ’بہت خوشی ہوتی ہے کہ جب آپ کے بوائز آپ کو تحفے میں پھول اور چاکلیٹس دیتے ہیں۔‘
اداکارہ و میزبان کی اس پوسٹ کو اُن کے مداحوں کی بڑی تعداد ناصرف پسند کررہی ہے بلکہ اُن کے لیے نیک خواہشات کا اظہار بھی کررہے ہیں۔
یاد رہے کہ گزشتہ دنوں نادیہ خان کے شوہر فیصل ممتاز کی سابقہ اہلیہ لبنیٰ کا ایک ویڈیو بیان سامنے آیا تھا جس میں اُنہوں دعویٰ کیا تھا کہ وہ فیصل کی دوسری اور نادیہ خان تیسری بیوی ہیں جبکہ ان دونوں سے قبل فیصل نے شمع نامی خاتون کے ساتھ شادی کی تھی اور اس سے بھی ان کی علیحدگی ہوچکی ہے لیکن یہ آن دی ریکارڈ ہے، آف دی ریکارڈ مجھے نہیں معلوم فیصل نے مزید کتنی شادیاں کی ہوئی ہیں۔
اُنہوں نے کہا کہ فیصل سے شادی کے بعد مجھے انکشاف ہوا کہ فیصل کے ساتھ بہت سارے مسائل تھے، وہ خود کو باتھ روم میں بند کرلیتے تھے، چھوٹی چھوٹی باتوں پر گھر کی چیزیں توڑدیتے تھے اور جب ان کا غصہ بہت زیادہ ہوجاتا تھا تو خود کو ہی ٹارچر کرنے لگ جاتے تھے۔ یہاں تک کہ وہ یہ بھی کہتے تھے کہ ہم پر کالا جادو کیا جارہا ہے اور یہ کالا جادو ان ہی کی پہلی بیوی کروارہی ہیں۔
اُن کا مزید کہنا تھا کہ آہستہ آہستہ حالات اتنے خراب ہوگئے تھے کہ شادی کے آٹھ ماہ بعد ہی ہم دونوں میں علیحدگی ہوگئی اور دلچسپ بات یہ تھی کہ ہماری طلاق کے اگلے ماہ ہی انہوں نے نادیہ خان کے ساتھ منگنی کرلی، ان کا کہنا تھا کہ ہم دو عورتوں کی زندگیاں برباد ہوچکی ہے، جھوٹ بولا ہے اور فراڈ کیا ہے، میں دعا کرتی ہوں کہ اب یہ سب کچھ نادیہ خان کے ساتھ نہ کریں۔
واضح رہے کہ نادیہ خان گزشتہ ماہ ریٹائرڈ پی اے ایف آفیسر اور فائٹر پائلٹ فیصل ممتاز راؤ کے ساتھ رشتۂ ازدواج میں منسلک ہوئی ہیں۔
نادیہ خان کے شوہر پاک فضائیہ میں 18 سال تک خدمات انجام دینے کے بعد 2009 میں ونگ کمانڈر کی حیثیت سے ریٹائر ہوئے اور متحدہ عرب امارات کی فضائیہ میں پہلے انسٹرکٹر پائلٹ اور پھر چیف آف سیفٹی کی حیثیت سے شامل ہوئے۔
نادیہ خان اس سے قبل بھی شادی کے بندھن میں بندھ چکی ہیں اور اُن کے تین بچے ہیں، اُن کی بڑ ی بیٹی کا نام علیزے، بیٹے کا نام اذہان اور سب سے چھوٹے بیٹےکا نام کیان ہے۔
