آج اسکول میں میرا پہلا دن ہے: اسرا بیلگیچ

04 مارچ ، 2021

معروف تُرک اداکارہ اسرا بیلگیچ دوبارہ اسکول جوائن کر رہی ہیں جس کا اعلان انہوں نے اپنے ایک ٹوئٹ میں کیا ہے۔

ٹوئٹر پر جاری ایک ٹوئٹ میں اداکارہ نے ترک زبان میں لکھا کہ ’میں نے سائنس پڑھنے کیلئے اسکول میں داخلہ لے لیا ہے۔‘

ترک اداکارہ نے کہا کہ ’ بطور سائنس کی طالبہ آج میرا اسکول میں پہلا دن ہے۔‘

یہ بھی پڑھیے

اپنی پسندیدہ اداکارہ کی حالیہ سوشل میڈیا پوسٹ نے مداحوں کو مختلف قیاس آرائیاں کرنے پر مجبور کردیا ہے کہ آیا ان کی پسندیدہ اداکارہ نے اداکاری چھوڑ کر اپنے تعلیمی سلسلے کو دوبارہ شروع کردیا ہے۔

خیال رہے کہ اسرا ترکی سمیت پاکستان میں بھی بے حد مقبول ہیں اور پاکستان کے کچھ برینڈز کی بھی ایمبیسڈر بن چکی ہیں۔

اس سے قبل پاکستان سُپر لیگ (پی ایس ایل) کی مقبول ترین ٹیم پشاور زلمی کی ایمبیسڈر ترک اداکارہ اسرا نے کہا تھا کہ انہیں پشاور زلمی کا حصہ بننے پر فخر ہے۔