سہیلی کا فون نمبر دکاندار نے دوسرے لوگوں کو دیا

کراچی کے علاقے شادمان ٹاؤن میں خودکشی کرنے والی خاتون کی دوست نے دعویٰ کیا ہے کہ اسکی سہیلی نے موبائل فون میں بیلنس ڈلوایا تھا، دکاندار نے فون نمبر لوگوں کو دیا۔

جیو نیوز سے بات کرتے ہوئے خودکشی کرنے والی خاتون کی دوست کا کہنا تھا کہ سہیلی کے بچوں کو اغوا کرنے کی دھمکیاں دی گئی تھیں جس پر وہ دلبرداشتہ ہوگئی۔

خاتون نے سہیلی کے خاندان کو انصاف فراہم کرنے کا مطالبہ کردیا۔

کراچی، خودکشی کرنے والی خاتون کا آڈیو پیغام

آڈیو میسیج میں خودکشی کرنے والی خاتون کا کہنا تھا کہ محلے کے کئی لڑکے بلیک میل کررہے ہیں، جعلی نکاح کرکے وڈیو بنائی گئی اور پھر وائرل کی گئی۔

واضح رہے کہ خودکشی کرنے والی خاتون کی آڈیوبھی سامنے آئی ہے جس میں اس نے کہا تھا کہ کالز کر کے ڈرایا جارہا ہے اور ملنے کا کہا جا رہا ہے۔ محلے کے کئی لڑکے بلیک میل کررہے ہیں۔