طوفان تاؤتے کے پیش نظر PDMA کا پلان تیار

ڈائریکٹر جنرل پرووِنشل ڈیزاسٹر منیجمنٹ اتھارٹی (پی ڈی ایم اے) سندھ سلمان شاہ کا کہنا ہے کہ ممکنہ طوفان کے پیشِ نظر پی ڈی ایم اے نے پلان بنا لیا ہے۔

ڈی جی پی ڈی ایم اے سلمان شاہ نے جیو نیوز سے گفتگو کے دوران کہا ہے کہ سندھ کے زیر آب آنے والے علاقوں سے نقل مکانی کی تیاریاں کر لی ہیں، ٹھٹھہ، سجاول اور اطراف کے شہروں اور اضلاع سے نقل مکانی بھی کی جاسکتی ہے۔

طوفان تاؤتے کراچی سے مزید قریب

سمندری طوفان تاؤتے کل کے مقابلے میں کراچی سے مزید قریب ہو گیا، تاؤتے کراچی کے جنوب مشرق میں 1 ہزار 210 کلو میٹر کی دوری پر ہے۔

سلمان شاہ نے کہا ہے کہ کم وبیش ڈھائی لاکھ افراد کی نقل مکانی اور رہائش کے انتظامات کر لیئے ہیں۔

ڈی جی پی ڈی ایم اے سندھ سلمان شاہ کا کہنا ہے کہ طوفان کؒا رخ بھارتی شہر گجرات کی جانب ہے، طوفان کا رخ گجرات کی جانب ہونے کے باوجود بھی اثر ہوگا۔

کراچی، ابراہیم حیدری کے ساحل پر لہروں میں شدت آگئی

کراچی میں سمندری طوفان تاؤتے (تاؤتے سائیکلون) نے اپنے اثرات دکھانا شروع کر دیئے ہیں۔

انہوں نے مزید کہا ہے کہ سمندر میں شکار پر پابندی ہے اور برساتی نالوں اور چوکنگ پوائنٹس کو کلیئر کیا جائے گا، تمام اضلاع، بلدیاتی اداروں اور انتظامیہ کے ساتھ رابطے میں ہیں۔